قازاقستاندا قيىن جاعدايعا تاپ بولعان كەزدە كومەك كورسەتەتىن مەكەمەلەر, ەرىكتىلەر قاتارى از ەمەس. 2021 جىلدىڭ 8 قازانىندا 60-65 جاس شاماسىنداعى ەستە ساقتاۋ قابىلەتى ناشار ەر ادام ەلىن ىزدەپ ەسىك قاعادى. وعان سەبەپ – ءوزىنىڭ اتى-ءجونىن, تۋعان كۇنى مەن تۋىستارىن ەسىنە تۇسىرە الماۋى. ەرىكتىلەر سول ساتتە كومەككە جۇگىنگەن ازاماتتىڭ جەكە باسىن انىقتاۋعا كىرىسەدى. اتالعان ادامدى «بەلگىسىز تۇلعا» رەتىندە تىركەگەننەن كەيىن, ءتيىستى ورگاندارعا سۇرانىس جولدايدى. ودان كەيىن «جەتىسۋ» تەلەارناسى مەن «بارمىسىڭ, باۋىرىم» باعدارلاماسىندا ونىڭ تۋىستارىن ىزدەستىرۋ تۋرالى تەلەسيۋجەت كورسەتىلەدى. ەلدەگى بلوگەرلەر دە كىرىسىپ, «اۆانگارد» باستاۋىش پارتيا ۇيىمىنىڭ توراعاسى عازيز امانجول ۇلى دا قوسىلادى.
ومىرلىك قيىن جاعدايدا قالعان ادامدارعا ارنالعان الەۋمەتتىك بەيىمدەۋ ورتالىعىنىڭ ديرەكتورى سۇلتانمۇرات بەكپەنبەتوۆتىڭ تاپسىرماسى بويىنشا قىزمەتكەرلەردىڭ جۇرگىزگەن جۇمىستارىنىڭ ناتيجەسىندە, بۇل كىسىنىڭ قىرعىزستان رەسپۋبليكاسىنىڭ ازاماتى جانە وتباسى بار ەكەنى انىقتالادى. وسى تۋراسىندا ءماجىلىس دەپۋتاتى ايگۇل قۇسپانعا حات جازادى. ءوز كەزەگىندە دەپۋتات قىرعىز ەلىندەگى ارىپتەستەرىنە جۇگىنەدى. جۇرگىزىلگەن جۇمىس بارىسىندا ونىڭ قىرعىز رەسپۋبليكاسىنىڭ ازاماتى ەكەنى ناقتى انىقتالىپ, تۋىسقاندارى تابىلادى.
جوعالعان ازاماتتىڭ ەسىمى – كەنجەبەك ارونوۆ. ول 1957 جىلى قىرعىز ەلىنىڭ اقبۇلاق اۋىلىندا دۇنيەگە كەلگەن. 2 ۇلى مەن 1 قىزى بار. بۇگىندە تۋىستارىمەن قاۋىشتى. قىرعىز ەلىنەن كەلگەن اعايىندارى باۋىرىن تابۋعا كومەكتەسكەن ەرىكتىلەرگە العىسىن جاۋدىردى.
جالپى, الەۋمەتتىك بەيىمدەۋ ورتالىعى ومىرلىك قيىن جاعدايدا قالعان تۇلعالار ءۇشىن 150 توسەكتىك ورىنعا ەسەپتەلگەن. سونداي-اق الەۋمەتتىك قىزمەتتىڭ 7 ءتۇرىن ۇسىنادى: مەديتسينالىق, تۇرمىستىق, پسيحولوگيالىق, ەكونوميكالىق, مادەني, قۇقىقتىق جانە ەڭبەك.
جەتىسۋ وبلىسى
