فوتو: اشىق دەرەككوز
يران تاراپىنىڭ مالىمەتىنشە, تاركىلەنگەن كەمەلەردىڭ ءبىرى – Epaminondas اقش اسكەري كۇشتەرىمەن تىعىز ىنتىماقتاستىقتا بولسا, ەكىنشىسى – MSC-Francesca يزرايلمەن تىكەلەي بايلانىستى. قازىرگى ۋاقىتتا ەكى كەمە دە يراننىڭ اۋماقتىق سۋلارىنا جەتكىزىلگەن.
بۇل وقيعا اقش اسكەري-تەڭىز كۇشتەرىنىڭ ورمۇز بۇعازىنداعى باقىلاۋدى كۇشەيتۋىنەن كەيىن بولدى. ەستەرىڭىزگە سالا كەتەيىك, 13 ساۋىردەن باستاپ ۆاشينگتون بۇعاز ارقىلى وتەتىن كەمەلەردىڭ قوزعالىسىن قاتاڭ قاداعالاۋعا العان بولاتىن.
اق ءۇي يرانمەن بايلانىسى جوق كەمەلەرگە ەركىن وتۋگە رۇقسات بەرىلگەنىن ايتقانىمەن, باستى شارت رەتىندە «تەگەرانعا تولەم جاساماۋدى» قويعان. ال يران بيلىگى رەسمي تۇردە جاريالاماسا دا, بۇل بۇعاز ارقىلى وتەتىن كەمەلەردەن تولەم الۋ جوسپارى بار ەكەنىن اڭعارتقان ەدى.
