الدىمەن, تايىنشا اۋدانىنىڭ كرەمەنچۋگ اۋىلى ماڭىندا 38 جاستاعى استانالىق «Hyundai Elantra» اۆتوموبيلىمەن اقجار اۋدانىنىڭ 30 جاستاعى تۇرعىنى جۇرگىزىپ كەلە جاتقان «Kiا Rio» اۆتوكولىگىنە سوقتىعىستى. وقيعا سالدارىنان «Hyundai» اۆتوكولىگىنىڭ 37 جاستاعى جولاۋشىسى مەديتسينالىق كومەككە جۇگىنۋگە ءماجبۇر بولدى.
وسى كۇنى تۇستە وسى جولدىڭ بويىنداعى بەسكول اۋىلىنىڭ ماڭىندا پەتروپاۆل قالاسىنىڭ 28 جانە 62 جاستاعى تۇرعىندارى باسقارعان «Audi-80» جانە «Renault Duster» اۆتوكولىكتەرى سوقتىعىستى. سوققى العان «Renault» كولىگىنىڭ جۇرگىزۋشىسى مەن جولاۋشىسى جاراقاتتار الدى.
ال كەشكە روششينسكوە اۋىلى ماڭىندا ەلوردانىڭ 38 جاستاعى تۇرعىنى «Toyota Alphard» كولىگىمەن اۋدارىلعان. ىشىندەگى ءتورت جولاۋشىعا مەديتسينالىق كومەك كورسەتىلدى, ال 9 جاستاعى قىز بالا اۋرۋحاناعا جاتقىزىلدى.
«بارلىق جاعدايدا دا جۇرگىزۋشىلەردىڭ ىشىمدىك ىشپەگەنى انىقتالدى. تەك كۇردەلى اۋا رايى كەزىندە جول ءتارتىبىن قاتاڭ ساقتاماعاندىقتىڭ سالدارىنان اپاتقا جول بەرگەن», دەپ اتاپ ءوتتى سقو پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ باستىعى پوليتسيا پولكوۆنيگى ايدىن بايماتوۆ.
