وبلىس اكىمى «جاڭاتاسسۋجىلۋ» مكقك-دا بولىپ, ودان كەيىن جەلدەن قۇلاعان ەلەكتر باعاندارىن تەز ارادا جوندەۋدى تاپسىردى.
«قالاداعى ءبىلىم وشاقتارىن جىلۋمەن قامتۋ ماسەلەسىنە بارىنشا نازار اۋدارۋ قاجەت. ول ءۇشىن ارنايى گەنەراتورلار پايدالانىلادى. مەكتەپتەردە جىلۋ پۋنكتتەرىن اشۋعا جاعداي جاسالعانى ماڭىزدى», دەدى ايماق باسشىسى.
«شاحان» قوسالقى ستانساسىن ارالاعان نۇرجان نۇرجىگىتوۆ ءبىرىنشى كەزەكتە قالانى جارىقپەن قامتاماسىز ەتۋدى اتاپ ءوتتى. قازىر ەلەكتر جەلىلەرىن قالپىنا كەلتىرۋگە 10 بريگادا جۇمىلدىرىلعان. ايماق باسشىسى بۇل جۇمىستاردى 2-3 ساعاتتا اياقتاۋدى تاپسىردى.
ەسكە سالايىق, 3 قاڭتاردا جاڭاتاس قالاسىندا داۋىلدى جەلدىڭ سالدارىنان تابيعي توتەنشە جاعداي رەجيمى ەنگىزىلگەن بولاتىن. قالا جارىقسىز, جىلۋسىز قالدى.
