جامبىل وبلىسى توتەنشە جاعدايلار دەپارتامەنتىنىڭ حابارلاۋىنشا, جۋالى اۋدانىنداعى شاقپاق اسۋىندا رەسپۋبليكالىق ماڭىزى بار الماتى-تەرمەز-تاشكەنت اۆتوجولىنىڭ 574-تەن 587 كيلومەترگە دەيىنگى ۋچاسكەسىنىڭ جابىلۋىنا بايلانىستى تجد كۇشتەرىمەن (10 قىزمەتكەر جانە ءۇش بىرلىك تەحنيكا) جۇرگىزۋشىلەر مەن جولاۋشىلارعا كومەك كورسەتۋ ءۇشىن پاترۋلدەۋ جۇرگىزىلۋدە.
«پاترۋلدەۋ بارىسىندا قاردا قالعان جەڭىل اۆتوكولىكتەردەن 110 ادام قۇتقارىلدى, ونىڭ ىشىندە 37-ءسى - بالا. بارلىعى م.جۇماباەۆ اتىنداعى №29 مەكتەپتە ورنالاسقان جاقىن جەردەگى جىلىتۋ پۋنكتىنە جەتكىزىلدى. بارلىعىنا پسيحولوگيالىق كومەك كورسەتىلدى, زارداپ شەككەندەر جوق», دەلىنگەن ۆەدومستۆو حابارلاماسىندا.
تراسسالاردا پاترۋلدەۋگە 61 ادام جانە 27 بىرلىك تەحنيكا جۇمىلدىرىلدى. بۇل - تجد-نىڭ 18 قىزمەتكەرى, «قازاقاۆتوجولدىڭ» 28 قىزمەتكەرى, 6 پوليتسيا قىزمەتكەرى مەن جەرگىلىكتى اتقارۋشى ورگانداردىڭ 9 قىزمەتكەرى.
«قازاۆتوجول» ۇك» اق جامبىل وبلىستىق فيليالىنىڭ مالىمەتىنشە, قىسقى كەزەڭگە ءوڭىردىڭ پروبلەمالىق تراسسالارىندا بەس جىلۋ پۋنكتى, بەس وندىرىستىك بازا جانە 58 بىرلىك تەحنيكا دايىندالعان.
اۋا رايىنىڭ قولايسىزدىعىنا بايلانىستى جامبىل وبلىسىنىڭ پوليتسيا دەپارتامەنتى جۇرگىزۋشىلەرگە جول قوزعالىسى ەرەجەلەرى مەن قاۋىپسىزدىك نورمالارىن ساقتاۋدى, اۆتوكولىكتىڭ تەحنيكالىق جاي-كۇيىنە مۇقيات قاراۋدى, مۇمكىندىگىنشە قالا سىرتىنداعى تراسسالارعا شىقپاۋدى ۇسىنادى.
