ەلىمىزدە جول ەرەجەسىن بۇزعاندارعا سالىناتىن ايىپپۇل مولشەرى ارتتى

ەڭ تومەنگى ەسەپ ايىرىسۋ كورسەتكىشى بيىل 3450 تەڭگەنى قۇرايدى. اەك مولشەرىنىڭ وزگەرۋىنە بايلانىستى قازاقستاندا ايىپپۇل مولشەرى شامامەن 13%-عا وسەدى.

زياندى شىعارىندىلار نەمەسە جانە جاياۋ جۇرگىنشىلەردىڭ جول قوزعالىسى ەرەجەلەرىن بۇزعانى ءۇشىن ايىپپۇل 2 اەك نەمەسە 6900 تەڭگەنى قۇرايدى.

تۇراق اقىسىن تولەمەگەنى ءۇشىن ايىپپۇل 10 350 تەڭگە, دۇرىس قويماعانى ءۇشىن 17 250 تەڭگە, دۇرىس ەمەس جەرگە قويعانى ءۇشىن 34 500 تەڭگەنى قۇرايدى.

بۇل رەتتە جىلدامدىقتى 10-20 شاقىرىمعا اسىرعانى ءۇشىن ايىپپۇل 17250 تەڭگەنى, جىلدامدىقتى ساعاتىنا 20-40 شاقىرىمعا اسىرعانى ءۇشىن 34500 تەڭگەنى, بەلگىلەنگەن جىلدامدىقتى ساعاتىنا 40 شاقىرىمنان اسىرعانى ءۇشىن 69 000 تەڭگە ايىپپۇل سالىنادى.

كولىك جۇرگىزۋ قۇقىعىنان ايىرىلعان ادامنىڭ كولىك قۇرالىن باسقارعانى ءۇشىن ايىپپۇل مولشەرى 172 500 تەڭگەنى قۇرايدى.  

كولىكتە ساقتاندىرۋ بولماعان جاعدايدا 17 250 تەڭگە, ال كولىكتى قۇجاتسىز باسقارعانى ءۇشىن 69 000 تەڭگە ايىپپۇل سالىنادى.

قوعامدىق جەرگە تۇكىرگەنى ءۇشىن قازاقستاندىقتاردى 17 250 تەڭگە ايىپپۇل كۇتىپ تۇر.