سالتاناتتى ءىس-شاراعا قازاقستاننىڭ تۇركياداعى توتەنشە جانە وكىلەتتى ەلشىسى ەركەبۇلان ساپيەۆ, ەتيمەسگۋت مۋنيتسيپاليتەتىنىڭ اكىمى ەنۆەر دەميرەل, استانا قالاسى اكىمىنىڭ ورىنباسارى ەسەت بايكەن, سىرتقى ىستەر ءمينيسترىنىڭ وكىلى حاسان بادجاجى, انكاراداعى تۇركىتىلدەس مەملەكەتتەر ەلشىلىكتەرىنىڭ وكىلدەرى, تۇركسوي وكىلدەرى, «YDA» حولدينگ باسقارما توراعاسى حۋسەين ارسلان, قازاقستان مادەنيەت جانە ساۋدا ورتالىعىنىڭ توراعاسى عانيمەت قايسا ۇلى, قازاقستان مادەنيەت جانە ساۋدا ورتالىعى توراعاسىنىڭ ورىنباسارى جانە دۇنيەجۇزى قازاقتارى قاۋىمداستىعىنىڭ تۇركياداعى وكىلى ەرجان ءۋايىس, زيالى قاۋىم, قازاق دياسپوراسى قاتىستى.
ەركەبۇلان ساپيەۆ قازاقستاننىڭ تاۋەلسىزدىك كۇنى مەن احمەت بايتۇرسىن ۇلىنىڭ 150 جىلدىعىنا وراي, احمەت بايتۇرسىن ۇلى اتىنداعى ساياباق پەن ەسكەرتكىشتىڭ اشىلۋىنا ۇلەس قوسقان ەتيمەسگۋت مۋنيتسيپاليتەتىنىڭ توراعاسى ەنۆەر دەميرەلگە جانە قىزمەتكەرلەرىنە, «YDA» حولدينگ باسقارما توراعاسى حۋسەين ارسلانعا, سونداي-اق استانا اكىمدىگىنە العىس ءبىلدىردى.
ەسكە سالا كەتسەك, بيىل يۋنەسكو-نىڭ شەشىمىمەن احمەت بايتۇرسىن ۇلىنىڭ 150 جىلدىعى حالىقارالىق دەڭگەيدە اتاپ ءوتىلدى.
