«بالا – باستى جولاۋشى» جوباسىن ىسكە قوستىق, وندا بالالاردىڭ جولدا قاۋىپسىز ءجۇرىس-تۇرىسىن ساقتاۋ بويىنشا پروفيلاكتيكالىق ساباقتار مەن ترەنينگتەر وتكىزىلەدى. ساباقتا پوليتسەيلەر وقۋشىلارعا جولدا جاراقات الماس ءۇشىن ساق بولۋ كەرەك, جول بەلگىلەرى نە ءۇشىن قاجەت جانە باعدارشام قانداي قىزمەت اتقاراتىنىن ايتىپ بەرەدى. وتكىزىلگەن ءىس-شارالار بۇقارالىق اقپارات قۇرالدارىندا جانە الەۋمەتتىك جەلى پاراقشالارىندا كەڭىنەن جاريالانۋدا. مۇنىڭ بالالارعا بەلگىلى ءبىر اسەرى بار», دەدى قايسار سۇلتانباەۆ ورتالىق كوممۋنيكاتسيالار قىزمەتىندە وتكەن بريفينگتە.
ىشكى ىستەر مينيسترلىگىنىڭ مالىمەتىنشە, بيىل بالالاردىڭ قاتىسۋىمەن 3090 جول-كولىك وقيعاسى تىركەلىپ, وندا 232 بالا قازا تاۋىپ, 3652-ءسى جاراقات العان.
سوڭعى 5 جىلدا ءجاسوسپىرىمنىڭ قاتىسۋىمەن بولعان جازاتايىم وقيعالاردىڭ سانى 6,8%-عا ازايدى.
«پەتروپاۆلدا ءتارتىپ ساقشىلارى 400 وقۋشىنى پوليتسيانىڭ بۇيرىعىمەن تۇسىرىلگەن «تۇزدار مەن دامدەۋىشتەر» جانە «ەشقايدا اپارمايتىن جول» فيلمدەرىن تاماشالاۋدى ۇيىمداستىردى. مەكتەپ وقۋشىلارى مەن ستۋدەنتتەردىڭ ىشكى ىستەر ورگاندارىنىڭ مەكەمەلەرىنە بارۋى, ۋچاسكەلىك ينسپەكتورلار مەن پاترۋلدىك قىزمەتكەرلەرىنىڭ قىزمەتتىك كولىكتەرىن كورسەتۋ ۇيىمداستىرىلدى. بالالار ۇلكەن اسەر الدى», دەپ اتاپ ءوتتى ءىىم وكىلى.
