ۆەدومستۆونىڭ مالىمەتىنشە, بيىل الماتىدا 12 رۇقسات ەتىلمەگەن ءۇيىندى انىقتالعان. ونىڭ ىشىندە سەگىز ساۋدا نۇكتەسى مەدەۋ اۋدانىندا, سونداي-اق تۇركسىب جانە الاتاۋ اۋداندارىندا ورنالاسقان.
«دەپارتامەنت ءۇش اۋداننىڭ اكىمدەرىنە, سونداي-اق تۇرعىن ءۇي ساياساتى باسقارماسى مەن ەكولوگيا باسقارماسىنا حات جولدادى. انىقتالعان ۇيىندىلەردى جويۋ جونىندە ءتيىستى تاپسىرمالار بەرىلدى. 30 جەلتوقسانداعى جاعداي بويىنشا بارلىعى 12 ءۇيىندى جويىلدى», دەلىنگەن ءباسپاسوز حابارلاماسىندا.
حاتتاردان بولەك, جوعارىدا اتالعان اكىمدىكتەردىڭ لاۋازىمدى تۇلعالارىنا ايىپپۇلدار سالىندى, ولاردىڭ اراسىندا الاتاۋ اۋدانىنىڭ اكىمى ازامات قالدىبەكوۆ تە بار. وعان 300 مىڭ تەڭگەدەن استام ايىپپۇل سالىندى.
«اكىمشىلىك قۇقىق بۇزۋشىلىق تۋرالى كودەكستىڭ 344-بابىنا سايكەس ء«وندىرىس جانە تۇتىنۋ قالدىقتارىن ەسەپكە الۋ, ورنالاستىرۋ قاعيدالارىن بۇزعانى ءۇشىن», سونداي-اق ء«وندىرىس جانە تۇتىنۋ قالدىقتارىمەن جۇمىس ىستەۋ قاعيدالارىن بۇزعانى ءۇشىن» ايىپپۇل سالىندى.
«الاتاۋ اۋدانىنىڭ اكىمىنە – 306 300 تەڭگە سوماسىندا; الماتى قالاسى الاتاۋ اۋدانى اكىمىنىڭ ورىنباسارىنا – 153 150 تەڭگە سوماسىندا; تۇركسىب اۋدانى اكىمىنىڭ ورىنباسارى – 153 150 تەڭگە سوماسىندا; مەدەۋ اۋداندىق كوممۋنالدىق شارۋاشىلىق ءبولىمىنىڭ باسشىسى – 153 150 تەڭگە سوماسىندا. ايىپپۇلدىڭ جالپى سوماسى 765 750 تەڭگەنى قۇرادى», دەپ تولىقتىردى مينيسترلىك.
