«قوعامنىڭ جانە ونىڭ وڭىرلىك فيليالدارىنىڭ لاۋازىمدى تۇلعالارى جۇك ۆاگوندارىنىڭ تاپشىلىعىن پايدالانا وتىرىپ, كەيبىر جاعدايلاردا وسىنداي تاپشىلىقتى جاساندى تۇردە تۋدىرىپ, پروبلەمالاردى شەشۋدىڭ ورنىنا, جۇك ۆاگوندارىن كەدەرگىسىز جانە جەدەلدەتىپ بەرگەنى ءۇشىن كاسىپكەرلەردەن جۇيەلى نەگىزدە پارا العانى انىقتالدى», دەلىنگەن ANTIKOR حابارلاماسىندا.
جەمقورلىق سحەماسىنا فيليالداردىڭ قىزمەتكەرلەرى مەن باسشىلارى, سونداي-اق باس كەڭسە بولىمشەلەرىنىڭ مەنەدجەرلەرى مەن باستىقتارى قاتىستى.
اقشا لاۋازىمدى تۇلعالاردىڭ نەمەسە ولاردىڭ سەنىمدى ادامدارىنىڭ, ونىڭ ىشىندە جاقىن تۋىستارىنىڭ شوتتارىنا اۋدارىلىپ وتىرعان.
قوعامنىڭ اقمولا فيليالىنىڭ ءبىر عانا باسشىسى 2020 جىلدان باستاپ 70 ميلليون تەڭگەدەن استام قاراجاتتى زاڭسىز الىپ, ونىڭ قوماقتى بولىگىن ششۋچە-بۋراباي كۋرورتتىق ايماعىنىڭ ويىن مەكەمەلەرىندە جۇمساعان.
قوعامنىڭ قاراعاندى فيليالىنىڭ بۇرىنعى جانە قازىرگى باسشىلارى دا وسىنداي قىلمىستار جاسادى دەپ كۇدىكتەلۋدە.
قازىرگى ۋاقىتتا بارلىق كۇدىكتىلەر ۇستالىپ, تەرگەۋ سوتىنىڭ سانكتسياسىمەن 2 ايعا قامالدى.
