ء«بىز ءۇشىن بۇل وزگەرىستەردى جالپىۇلتتىق ديالوگ ارقىلى جۇزەگە اسىرۋ وتە ماڭىزدى. وسى ماسەلەگە بايلانىستى پارلامەنتتىڭ ءرولى الدەقايدا جوعارى بولماق. سوندىقتان, كەلە جاتقان پارلامەنتتىك سايلاۋعا مەن ءوزىم مەملەكەت باسشىسى رەتىندە ايرىقشا ءمان بەرىپ وتىرمىن. بۇل سايلاۋ ەلىمىزدىڭ زاڭىنا سايكەس ءادىل جانە اشىق وتۋگە ءتيىس. جالپى ءبىز ازاماتتىق قوعامنىڭ بەدەلىن ارتتىرۋىمىز كەرەك», دەدى مەملەكەت باسشىسى.
ونىڭ ايتۋىنشا, ازاماتتاردىڭ لايىقتى بەلسەندىلىگى بولماسا, ەلىمىز وزىق بولمايدى.
«ازاماتتارىمىز, ەڭ الدىمەن, ەلىمىزدىڭ الدىندا جاۋاپتى بولۋعا ءتيىس. قوعامدا زاڭ ءبىرىنشى ورىندا تۇرۋى كەرەك. زاڭنىڭ ۇستەمدىگى جانە قوعامداعى ءتارتىپ – ەلىمىزدىڭ تۇراقتىلىعىنىڭ كەپىلى. تۇراقتىلىق بولماسا, قازاقستان ويداعىداي ىلگەرى باسا المايدى. ايماقتاعى باستى ءرولىن اتقارا المايدى. نەگىزگى ماقساتىمىز – ادىلەتتى قازاقستاندى قۇرۋ», دەدى پرەزيدەنت.
