وبلىس پوليتسەيلەرى مۇددەلى ورگاندارمەن بىرگە تاسجول بويىنداعى قىلقان جاپىراقتى اعاشتار وسەتىن جەرلەردە تاۋلىك بويى رەيد جۇرگىزىپ جاتىر.
«پوليتسيا قىزمەتكەرلەرىنىڭ پاترۋلدىك جۇمىستارىنىڭ ناتيجەسىندە قاراعايلاردى زاڭسىز كەسۋدىڭ ەكى فاكتىسى انىقتالدى. ءبىرىنشى فاكتى مەڭدىقارا اۋدانىندا, ەكىنشىسى قوستاناي وبلىسىندا تىركەلدى», دەدى قوستاناي وبلىسى ءىىد تابيعاتتى قورعاۋ پوليتسياسىنىڭ قىزمەتكەرى تيمۋر نۇرسايتوۆ.
انىقتالعانداي, ۇيگە شىرشا ورناتۋعا تاپسىرىس بەرۋ ماقساتىندا ورمانداعى جاس قاراعايلاردى ەر ادامدار كەسىپ العان.
ناتيجەسىندە ەكى ادام قر اكىمشىلىك كودەكسىنىڭ 381-1 بابى «اعاشتار مەن بۇتالاردى زاڭسىز كەسۋ, جويۋ نەمەسە زاقىمداۋ» بويىنشا اكىمشىلىك جاۋاپكەرشىلىككە تارتىلدى.
15 جەلتوقساننان بەرى «شىرشا» جەدەل-الدىن الۋ شاراسى اياسىندا پوليتسيا قىزمەتكەرلەرى 10-نان استام قۇقىقبۇزۋشىلىقتى انىقتادى.
