ساپار بارىسىندا ماعزۇم مىرزاعاليەۆ «Abu Dhabi Ports» كومپانياسىنىڭ باستى پورتى – 2012 جىلى پايدالانۋعا بەرىلگەن Khalifa تەرەڭ تەڭىز پورتىنا, سونداي-اق تەڭىز وپەراتسيالارىن قولداۋ بازاسىنا باردى.
كەزدەسۋدە تاراپتار تەڭىز جانە جاعالاۋداعى جۇك تاسىمالى, كاسپي ايماعىنداعى ساۋدا فلوتىن دامىتۋ جانە ينۆەستيتسيا تارتۋ سالاسىنداعى ەكىجاقتى ىنتىماقتاستىقتىڭ پەرسپەكتيۆالارىن تالقىلادى.
سونىمەن قاتار «قازمۇنايگاز» بەن «Abu Dhabi Ports» كاسپي تەڭىزىندەگى ءىرى تەڭىز مۇناي-گاز جوبالارىنا قىزمەت كورسەتۋ بويىنشا ىنتىماقتاستىق ورناتۋ مۇمكىندىكتەرىنە توقتالدى.
ەسكە سالا كەتەيىك, «Abu Dhabi Ports» – بىرىككەن اراب امىرلىكتەرىنىڭ پورت, ونەركاسىپتىك جانە لوگيستيكالىق وپەراتورى. ونىڭ قورجىنىندا ءىرى كاسىپورىندار بار. سوندىقتان ول وڭىردەگى ءىرى حولدينگتىك كومپانيالاردىڭ ءبىرى بولىپ سانالادى. سونداي-اق كومپانيا ابۋ-ءدابيدىڭ ارتاراپتاندىرىلعان ەكونوميكاسىنىڭ نەگىزگى سەكتورلارىن قامتىپ وتىر.
«Abu Dhabi Ports» ءباا مەن گۆينەيادا 11 پورت پەن تەرمينالعا (كونتەينەرلىك, جالپى جۇكتەر, رو-رو, كرۋيزدىك), سونداي-اق 550 شارشى شاقىرىمنان استام وندىرىستىك ايماقتارعا يەلىك ەتەدى ءارى باسقارادى. بۇل ساۋدانى جەڭىلدەتىپ, ابۋ-ءدابيدى بۇكىل الەممەن بايلانىستىرادى. پورت كلاستەرىندە ابۋ-دابي, زايەد, حاليفا, مۋساففا, مۋحارراك, سيلا جانە باسقا دا پورتتار بار.
