وزبەكستاننىڭ دارىلىك زاتتاردى ساراپتاۋ جانە ستاندارتتاۋ ورتالىعىنىڭ قورىتىندىسىنا سايكەس «Doc-1 MAX» سيروپى بەلگىلەنگەن تالاپتارعا سايكەس كەلمەيدى.
دەنساۋلىق ساقتاۋ مينيسترلىگىنىڭ زەرتحانالىق زەرتتەۋلەرىنە سايكەس, Doc-1 MAX سيروپىندا كەزدەسەتىن ەتيلەنگليكول زاتى ناۋقاستىڭ دەنساۋلىعىنا تەرىس اسەر ەتەدى.
قازىرگى ۋاقىتتا وزبەكستان رەسپۋبليكاسى قىلمىستىق كودەكسىنىڭ 186-3-بابىنىڭ 4-بولىگى بويىنشا «Quramax Medical» جشق جانە «دارىلىك زاتتاردى ستاندارتتاۋ عىلىمي ورتالىعى» جشق يمپورتتاۋشى كومپانياسىنىڭ لاۋازىمدى تۇلعالارىنا قاتىستى قىلمىستىق ءىس قوزعالدى. كۇدىكتىلەر تەرگەۋ يزولياتورىنا قامالدى.
ەسكە سالا كەتسەك, 22 جەلتوقساندا وزبەكستاندا ءۇندىستاننىڭ تۇماۋعا قارسى «Doc-1 MAX» پرەپاراتىن قابىلداعان 15 بالانىڭ قايتىس بولعانى تۋرالى حابارلاندى.
27 جەلتوقساندا وزبەكستاننىڭ دەنساۋلىق ساقتاۋ مينيسترلىگى اتالعان پرەپاراتتان 18 بالا قايتىس بولعانىن راستادى.
