«وزدەرىڭىزگە بەلگىلى, بيىل 3 قاراشادان باستاپ «قاڭتار وقيعاسى» كەزىندە قىلمىستىق قۇقىق بۇزۋشىلىق جاساعان ادامدارعا قاتىستى «راقىمشىلىق جاساۋ تۋرالى» قازاقستان رەسپۋبليكاسى زاڭىنىڭ نورمالارى كۇشىنە ەندى. قازىر 1086 تۇلعاعا راقىمشىلىق جاسالدى, ونىڭ ىشىندە ورتاشا اۋىرلىقتاعى قىلمىستاردى جاساعان 8 كۇدىكتىگە قاتىستى تەرگەۋ امالدارى جۇرگىزىلىپ جاتىر», دەپ حابارلادى باس پروكۋراتۋرادان.
سونىمەن قاتار سوت 9 ادامعا قاتىستى ءىستى توقتاتتى, 981 سوتتالۋشىنىڭ جازا مەرزىمىن قىسقارتتى. زاڭ قولدانىلا باستالعالى 31 ادام راقىمشىلىق اكتىسىن قولدانۋ ارقىلى باس بوستاندىعىنان ايىرۋ ورىندارىنان بوساتىلدى.
