«اقىرتاس تۋرالى اڭىز»

بالالار ءۇشىن ارنايى دايىن­دالعان ەرتەگى فورما­تىنداعى قو­يىلىمنىڭ اۆتورى سانتورە ءپىر­مانوۆ بولسا، جىبەك جولى بويىن­داعى تاريحى تەرەڭدە جات­قان اقىرتاس قالاشىعىنىڭ بىرنە­شە عاسىر بۇرىنعى تىر­شىلىگىن اڭىز رەتىندە جاس ۇرپاق ساناسىنا جەتكىزۋگە تەاتر ديرەكتورى مالىك اقۇر­پەكوۆ اتسالىسقان.

جاسوسپىرىمدەردىڭ ساناسىنا ادالدىق دەگەن ۇعىمدى جان-جاقتى سىڭىرۋگە تىرىسقان اۆتورلاردىڭ ەڭبەگى زايا كەتپەدى. ولار حان سارايىنا تۇسكەن قاراقشى ۇسقىن وبرازى مەن نيەتى بۇزىق تاس-مىستاننىڭ ارە­كەتتەرىنەن جە­رىندى. س­وڭىرا اۋليەبۇلاق جە­رىنىڭ جۇرتى مەن الاڭعاسار ءامىر­شىنىڭ حالقىنىڭ ىمى­راعا كەلۋى، جاقسىلىق پەن ىزگىلىكتىڭ قاي كەزدە دە ساتقىن­دىقتى جەڭەتىنى بۇل­دىر­شىندەردى قۋانتتى. رەجيس­­سەر اۋليەبۇلاق تاري­حىمەن ۇش­تاستىرا وتى­رىپ، كيەلى جەردىڭ سوڭىرا اقىرتاس اتالۋىن تا­ريح­پەن ساباقتاستىرا العانى دا كوڭىلگە قوندى.

– قويىلىمنىڭ ماقساتى – جاس ۇرپاقتىڭ ەلى مەن تۋعان جەرى تۋرالى تانىمىن ارتتىرۋ. مۇنداعى وقيعالار جاس ۇرپاقتى باستاعان ءىستى جۇزەگە اسىرۋداعى اۋىزبىرشىلىككە، ءوزارا ىنتىماقتاستىققا ۇندەيدى. سونىمەن قاتار ۇرلىقتىڭ ءتۇبى قاشاندا قورلىق ەكەنىن، جامان­­دىقتىڭ جەردە جاتپايتىنىن جاس ۇرپاق ساناسىنا جەتكىزۋگە كۇش سالدىق، – دەيدى سپەك­تاكلدىڭ قويۋ­شى رەجيسسەر ەربول ابجالوۆ.

تاراز