اتىراۋ وبلىسىندا سينتەتيكالىق ەسىرتكىنىڭ جەتكىزىلۋىنە جول بەرمەۋ ماقساتىندا اتىراۋ وبلىسىنىڭ پد ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى وبلىس اۋماعىندا ەسىرتكىنى زاڭسىز تاراتۋمەن اينالىسقان تۇلعالاردى انىقتاۋ بويىنشا جەدەل ءىس-شارا جۇرگىزدى.
13 جەلتوقسان كۇنى قىلمىستىق نيەتىن جۇزەگە اسىرۋ ءۇشىن سەمەي قالاسىنان اتىراۋعا كەلگەن 18 جاستاعى قىز بەن 20 جاستاعى جىگىت ۇستالدى. جالعا الىنعان پاتەرلەردىڭ بىرىنەن ءتىنتۋ كەزىندە جالپى سالماعى 360 گرامم سينتەتيكالىق ەسىرتكى زاتتارى, سونداي-اق كوپتەگەن Z-پاكەت, ەلەكتروندى تارازىلار جانە باسقا دا قۇرىلعىلار تابىلىپ, تاركىلەندى. سونداي-اق كۇدىكتىلەر جالپى سالماعى 45 گرامم سينتەتيكالىق ەسىرتكىنى ساقتاعان 6 ورىندى كورسەتكەن.
اتالعان دەرەك بويىنشا قر قك-ءنىڭ 296-بابى 4-بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. وزگە اقپارات قپك-ءنىڭ 201-بابىنا سايكەس جاريالانۋعا جاتپايدى.
