بيىلعى جاڭاجىلدىق كەشكە 300 بالا قاتىستى. ولاردى استانا قالاسى اكىمىنىڭ ورىنباسارى ەسەت بايكەن كەلە جاتقان جاڭا جىلمەن قۇتتىقتادى.
ء«اربىر بالا جاڭا جىل مەرەكەسى قارساڭىندا تىلسىم ءبىر عاجايىپتى, ەرتەگىدەي سيقىردى كۇتەدى. وسىعان وراي قالا اكىمىنىڭ اتىنان ەرتەگى كەيىپكەرلەرى, مۋزىكالىق نومىرلەرى مەن سىيلىقتارى بار كونتسەرت ۇيىمداستىرىلدى. وسى مەرەكەمەن ءبىز جەتىم بالالاردى, الەۋمەتتىك از قامتىلعان جانە كوپبالالى وتباسىلاردان شىققان بالالاردى, سونداي-اق وقۋدا, سپورتتا, شىعارماشىلىقتا نەمەسە قوعامدىق ومىردە جەتىستىكتەرگە جەتكەن دارىندى بالالاردى قامتۋعا تىرىستىق», دەدى ەسەت بايكەن.
ايتا كەتۋ كەرەك, بيىلعى شىرشا مەرەكەسى زاماناۋي تەحنولوگيالاردى قولدانا وتىرىپ, مۋزىكالىق-ينتەراكتيۆتى شوۋ-سپەكتاكل فورماتىندا ءوتتى. ءىس-شارا ءتۇرلى زاتتارمەن بەزەندىرىلىپ, تۇرلەندىرە وتىرىپ, ويىن-ساۋىق ارنايى ەففەكتىلەرمەن جانە لازەرلىك شوۋمەن سۇيەمەلدەندى. سونداي-اق فوتوعا تۇسۋگە بولاتىن ارنايى ورىن ۇيىمداستىرىلدى.
« ۇلىم شىرشا مەرەكەسىن قاتتى كۇتتى. كوستيۋمىن بىرنەشە رەت اۋىستىرىپ, وزىنە سىيلىق بەرىلە مە ەكەنىن سۇرادى. بۇگىنگى كەش كوڭىلىمىزدەن شىقتى, تەك انيماتورلارمەن ويىندار بولادى دەپ ويلاعان ەدىم, ءارى قاراي كاسىبي بيشىلەرمەن, ءتىپتى وپەرا ءانشىسىنىڭ قاتىسۋىمەن كونتسەرتكە ۇلاستى. بالام كوپتەن كۇتكەن مەرەكەنىڭ كوڭىلدى وتكەنىنە ريزا», دەپ ءبولىستى ەلوردا تۇرعىنى توعجان سىزدىقوۆا.
ءىس-شارا سوڭىندا بالالارعا كيىمدەر, تاتتىلەر, سپورتتىق ريۋكزاكتار ساتىپ الۋ ءۇشىن سىيلىق سەرتيفيكاتتارى تاپسىرىلدى. جاڭا جىل قارساڭىندا اۋدان اكىمدىكتەرىندە ەلوردانىڭ بۇلدىرشىندەرى ءۇشىن شىرشا مەرەكەسى وتكىزىلەدى.
ەستەرىڭىزگە سالا كەتەيىك, 25 جەلتوقساندا ەلوردادا مەملەكەت باسشىسىنىڭ اتىنان شىرشا مەرەكەسى وتكىزىلگەن بولاتىن. مەرەكەگە جەتىم بالالار, اتا-اناسىنىڭ قامقورلىعىنسىز قالعان, ەرەكشە قاجەتتىلىكتەرى بار بالالار, الەۋمەتتىك از قامتىلعان جانە كوپبالالى وتباسىلاردان شىققان, دارىندى جانە وقۋدا, سپورتتا, شىعارماشىلىقتا جانە ت.ب. جەتىستىكتەرگە جەتكەن 200 بالا شاقىرىلدى.
