پايدالانۋشىلار ەڭبەك بيرجاسىنىڭ سايتىمەن تولىق سينحروندالعان «Enbek» ءموبيلدى قوسىمشاسىندا وزدەرىن قىزىقتىرعان بوس جۇمىس ورىندارىن قاراپ جانە جۇمىس بەرۋشىلەردەن شاقىرۋلار الا الادى. Push حابارلاندىرۋلارىنىڭ ىڭعايلى مۇمكىندىگى تۇيىندەمە مەن جاۋاپتاردى, سۇحباتقا شاقىرۋلاردى جانە جۇمىس بەرۋشىنىڭ اڭگىمەلەسۋ ناتيجەلەرى بويىنشا شەشىمدەرىن قاراۋ تۋرالى اقپاراتتى وتكىزىپ الماۋىنا كومەكتەسەدى.
«قوسىمشا پايدالانۋشىعا تۇيىندەمەنىڭ قانشالىقتى تولىق تولتىرىلعانىن, جۇمىس بەرۋشىنىڭ وعان نازار اۋدارۋى ءۇشىن تاعى نە قوسۋعا بولاتىنىن ايتادى. ال ىزدەنۋشىنى قىزىقتىراتىن سالا بويىنشا جاڭا بوس جۇمىس ورىندارىن جىبەرىپ الماۋ ءۇشىن ىزدەۋ پارامەترلەرىن ساقتاپ, قولايلى بوس جۇمىس ورىندارى تۋرالى حابارلاما الۋعا بولادى», دەپ ءتۇسىندىردى «ەردو» اق جۇمىسپەن قامتۋ سالاسىنداعى تسيفرلىق قىزمەتتەر دەپارتامەنتىنىڭ ديرەكتورى نيكولاي بريۋحانوۆ.
سونداي-اق قوسىمشادا جۇمىسسىز رەتىندە تىركەلىپ, جۇمىسىنان ايىرىلۋىنا بايلانىستى الەۋمەتتىك تولەم الۋعا بولادى. ول ءۇشىن ەلەكتروندىق تسيفرلىق قولتاڭبانىڭ بولۋى قاجەت ەمەس, تەك ءموبيلدى ازاماتتار بازاسىندا تىركەلۋ جەتكىلىكتى.
«كەلەشەكتە قوسىمشانىڭ فۋنكتسيونالدىعى كەڭەيىپ, جاڭا سەرۆيستەر مەن قىزمەتتەر قوسىلادى. قوسىمشا بارلىق پايدالانۋشىلار ءۇشىن تەگىن جانە PlayMarket جانە AppStore دۇكەندەرىندە قولجەتىمدى», دەپ قوستى نيكولاي بريۋحانوۆ.
