ANTIKOR ءباسپاسوز قىزمەتى ناقتىلاعانداي, ءماسىموۆتىڭ وزىنە جانە ورىنباسارى د.سيرازيديموۆ پەن كاسىپكەر ە.ەۆكوۆيچكە قاتىستى اۋىر جانە اسا اۋىر سىبايلاس جەمقورلىق قىلمىستار جاسادى دەگەن ايىپ تاعىلدى.
ءماسىموۆ پەن سيرازيديموۆ مەملەكەتتىك ساتىپ الۋدى وتكىزۋ جانە ۇلەستەس كومپانيالارمەن كەلىسىمشارتتارعا قول قويۋ كەزىندە قامقورلىعى ءۇشىن 90,3 ملن تەڭگە سوماسىندا پارا الدى دەپ ايىپتالدى.
سونداي-اق ولارعا ارتتەحقارۋ-جاراق ساتىپ الۋعا ارنالعان 420 ملن تەڭگە سوماسىندا بيۋدجەت قاراجاتىن ۇرلادى دەگەن ايىپ تاعىلدى.
ايتا كەتسەك, وسى جىلدىڭ 22 جەلتوقسانىندا وبلىس پروكۋراتۋراسى ايىپتالۋشىلاردى سوتقا بەردى.
