تەمىرتاۋ قالاسىنان 8 شاقىرىم جەردە ساعات 23:55-تە تجد قىزمەتكەرلەرى قار قۇرساۋىندا قالعان جەڭىل اۆتوكولىكتەن ءتورت ادامدى قۇتقاردى. قۇتقارىلعان ادامدار تەمىرتاۋ قالاسىنا جەتكىزىلدى.
سونداي-اق اباي اۋدانىنداعى ساسىقكول كولىندە بالىق اۋلاپ جۇرگەن ەكى بالىقشى قار قۇرساۋىندا قالعان. ەر ادامدار تجد كۇشتەرىمەن قۇتقارىلىپ, نوۆودولينكا اۋىلىنا جەتكىزىلدى.
بۇقار جىراۋ اۋدانىندا تاعى ەكى بالىقشى قۇتقارىلدى. بالىقشىلاردىڭ كولىگى اششىسۋ سۋ قويماسى ماڭىنداعى قار كوشكىنىندە قالىپ قويعان.
نۇرا اۋدانىنىڭ بالىقتىكول اۋىلىندا تجد, جەرگىلىكتى اتقارۋشى ورگاندار مەن تۋىستارىنىڭ كۇشىمەن 1980 جىلى تۋعان ەر ادامدى ىزدەۋ جۇمىستارى جۇرگىزىلدى. ول ساعات 11:00-دە مال ىزدەۋگە قاردا جۇرگىشپەن شىعىپ, ورالماعان. 22 جەلتوقسان كۇنى ساعات 04:19-دا ىزدەستىرۋ توبى جوعالعان ادامدى بالىقتىكول اۋىلىنان 20 كم قاشىقتىقتا تاپتى. قۇتقارىلعاندارعا مەديتسينالىق كومەك قاجەت بولمادى.
