قاراعاندى پوليتسياسىنىڭ كەزەكشى پۋنكتىنە ساعات 11:00-دەن باستاپ مەكتەپتەردەن حابارلاما تۇسە باستاعان. ءبىلىم بەرۋ مەكەمەلەرىنىڭ باسشىلارى مەكتەپتەرگە عيماراتتارعا جارىلعىش زات قويىلعانى تۋرالى حات كەلگەنىن ايتتى.
قاراعاندى وبلىسى تجد جەدەل كەزەكشىلەرى دابىل قاققان حابارلامالارعا جەدەل دەن قويدى. بارلىق توتەنشە جاعدايلار قىزمەتى مەكتەپ عيماراتتارىنا جىبەرىلدى. بالالار مەن مەكتەپ قىزمەتكەرلەرى ەۆاكۋاتسيالاندى. ەۆاكۋاتسيانىڭ ۆيدەوسى الەۋمەتتىك جەلىلەردە تاراي باستادى.
«تەكسەرۋ كەزىندە جارىلعىش قۇرىلعىلار تابىلمادى. وسى فاكتىلەر بويىنشا قر قىلمىستىق كودەكسىنىڭ 273-بابى «الدا جاتقان تەرروريزم اكتىسى تۋرالى كورىنەۋ جالعان حابارلاۋ» بويىنشا سوتقا دەيىنگى تەرگەۋ باستالدى. قازىرگى تاڭدا حابارلامالاردىڭ اۆتورىن انىقتاۋ بويىنشا شارالار قابىلداۋدا», دەپ حابارلادى قاراعاندى وبلىسى دپد ءباسپاسوز قىزمەتى.
سونداي-اق مينيسترلىك قازاقستاندا لاڭكەستىك اكتىسى تۋرالى كورىنەۋ جالعان حابارلاۋ ايىپپۇل وتەۋگە, نە تۇزەۋ جۇمىستارىنا, نە شەكتەۋ نەمەسە بەس جىلعا دەيىن باس بوستاندىعىنان ايىرۋعا جازالاناتىنىن ەسكە سالدى.
