ارنايى ۆاگونداردىڭ ينتەرەرىن قازاقستاندىق قولونەرشىلەر بەزەندىردى. ساندىك پاننولار مەن كيىزدەن جاسالعان كوپشىكتەردەن جاڭا جىل مەرەكەسىنىڭ لەبى سەزىلەدى.
قىس ماۋسىمىنا وراي قر پرەزيدەنتى ءىس باسقارماسىنا قاراستى «بۋراباي دامۋ» مەكەمەسى تۋريستىك وپەراتورلارمەن بىرلەسىپ ەرتەگى پويىز كەستەسىنە ىڭعايلاپ وتباسىلىق دەمالىس ءۇشىن ارنايى ءبىر كۇندىك تۋرلاردى ۇيىمداستىرادى.
اتاپ ايتقاندا, تۋر باعدارلاماسىندا اياز اتانىڭ «BurabayLand» ويىن-ساۋىق ساياباعىنداعى رەزيدەنتسياسىنا بارۋ, بۇعى جەككەن شانامەن, يتشانامەن, اتشانامەن, كۆادروتسيكلمەن سەرۋەندەۋ, سنوۋبورد تەبۋ جانە كارۋسەلمەن تەربەلۋ قاراستىرىلعان. سونداي-اق مۇز قالاشىق پەن باقسىنىڭ اۋىلى, لازەرتاگ, قاردا جۇرەتىن كولىك, «بانانمەن» سىرعاناۋ جانە باسقا دا قىزىقتار بار.
ايتا كەتسەك, بۇل - قر پرەزيدەنتىنىڭ ءىس باسقارماسىنا قاراستى «بۋراباي دامۋ» جشس, «Kazakh Tourism» ۇك جانە «جولاۋشىلار تاسىمالى» اق بىرلەسىپ قولعا العان جوبا.
