«وسىمدىكتەر دۇنيەسى تۋرالى» جانە وعان ىلەسپە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وسىمدىكتەر دۇنيەسى جانە ەرەكشە قورعالاتىن تابيعي اۋماقتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى وسىمدىكتەر دۇنيەسىن قورعاۋ جانە پايدالانۋ سالاسىنداعى قاتىناستاردى رەتتەۋدى قامتاماسىز ەتۋ, تابيعي وسىمدىك رەسۋرستارى مەن جابايى وسىمدىك تۇرلەرىنىڭ گەنوفوندىن ساقتاۋ جانە مولايتۋعا ارنالعان قۇقىقتىق نەگىزدەر جاساۋعا, ءارى ولاردى ءتيىمدى پايدالانۋ ماقساتىندا ازىرلەنگەن.
زاڭ جوباسى بيولوگيالىق الۋاندىقتى ساقتاۋعا جانە ولاردىڭ تۇراقتىلىعىن ارتتىرۋعا, وسىمدىكتەردىڭ ەندەميكالىق جانە سيرەك تۇرلەرىن قورعاۋدى جاقسارتۋعا, وسىمدىك رەسۋرستارى مەن شيكىزات بازاسىنىڭ الەۋەتىن ساقتاۋ جانە پايدالانۋ, شاعىن بيزنەستى دامىتۋ جانە جەرگىلىكتى بيۋدجەتتەردىڭ كىرىستەرىن ءوسىرۋ ءۇشىن ينۆەستيتسيا تارتۋعا كومەكتەسەدى دەپ كۇتىلۋدە.
دەپۋتاتتار وتىرىس قورىتىندىسى بويىنشا اتالعان زاڭ جوبالارىن پالاتانىڭ قاراۋىنا جىبەرۋ تۋرالى شەشىم قابىلداندى.
