دەرەكتەرگە سەنسەك, VIII-Iح عاسىرلاردا پايدا بولعان دەلىنەتىن جادىگەردى مويىنقۇم اۋدانىنا قاراستى امانگەلدى اۋىلىنىڭ تۇرعىنى كەزدەيسوق قولىنا تۇسىرگەن كورىنەدى. اڭدىق ستيلدە جاسالعان ءمۇسىن سول داۋىردەگى شەبەرلەردىڭ قولىنان شىققان دەسەدى بىلەتىندەر.
«ورتا ازيا بىلگىرلەرى كەلتىرگەن دەرەكتەرگە زەر سالساق, ەلىك شەكارانىڭ, دەنساۋلىقتىڭ, قاۋىپسىزدىكتىڭ قورعاۋشىسى, سيمۆولى رەتىندە باعالانعان. جەتىسۋ وڭىرىندە ءومىر سۇرگەن ساقتاردىڭ قولادان جاسالعان ءمۇسىنى سول ءداۋىر شەبەرلەرىنىڭ دەڭگەيىن ايقىنداپ تۇر. كوپ جاعدايدا مۇنداي زاتتار مايىتپەن بىرگە جەرلەنگەن نەمەسە ءدىني راسىمدەردىڭ نەگىزگى ەلەمەنتى رەتىندە مويىندالعان ەكەن.
اۋەلدە ساقتار تابيعاتتىڭ تىلسىم قۇبىلىستارىنا باس يگەن كورىنەدى. كۇن, جەل, نايزاعاي سەكىلدى وزگە دە تابيعات قۇبىلىستارىن ولار ايرىقشا قۇرمەتتەگەن. سول داۋىردە عۇمىر كەشكەندەردىڭ تۇسىنىگىنە سايكەس قۇداي ءتۇرلى جانۋارلار مەن قۇستاردىڭ كەيپىنە ەنەتىن بولعان», دەيدى وبلىستىق تاريحي-ولكەتانۋ مۋزەيىنىڭ قىزمەتكەرى گۇلميرا نۇرحان.
تاراز
