ءبىر كورمە الاڭىنا قويىلعان رەناتا ماشەكەنوۆا مەن ەلەنا سەرەجەچكينانىڭ تۋىندىلارى ءبىر بىرىمەن تىلدەسىپ تۇرعانداي كورىنەدى. قىلقالام قۇدىرەتىمەن توعىسقان ەكى كوركەمدىك ءتاسىل ءبىر-ءبىرىن تولىقتىرا وتىرىپ, كورەرمەندەرىنە جاڭا تاقىرىپتاردى اشادى. ەكى سۋرەتشىنىڭ دە شىعارمالارىنا ورتاق تاقىرىپ – كوبەلەك. سونشالىقتى نازىك كوبەلەكتەردىڭ بەينەسى وزگەرۋ مەن قايتا تۇلەۋدىڭ نىشانى ىسپەتتى. كوپتەگەن مادەنيەتتەردە كوبەلەك – جاندى بىلدىرەدى. جىگەرى مىقتى سۋرەتشىلەر رەناتا مەن ەلەنا ءوز كارتينالارى ارقىلى ىشكى الەمىن اشىپ, كورەرمەندەرىنىڭ نازارى مەن ەمپاتياسىنان ءۇمىتتى ەكەندىكتەرىن جاسىرمايدى.
«مەن 5 جاسىمنان سۋرەت سالا باستاعانىممەن, بىراق سانالى تۇردە بەينەلەۋ ونەرىنە 16 جاسىمدا, ماكسيماليزم مەن جاسوسپىرىمدەر داعدارىسى ايقىن كورىنە باستاعاندا كەلدىم. سۋرەت سالۋ سىرتقى الەممەن قارىم-قاتىناس جاساۋ مەن ەموتسيالار كورىنىسىنىڭ وزىندىك ادىسىنە اينالدى. سونداي-اق سۋرەت سالۋ ءوزىمدى كوبىرەك بىلۋگە كومەكتەسىپ, دۇنيەتانىمىما بەلگىلى ءبىر دارەجەدە اسەر ەتتى», دەيدى «كىشكەنتاي ادامنىڭ شىندىعى» جوباسىن ۇسىنعان گەنەتيكالىق ەرەكشەلىكتەرى بار پسيحولوگ جانە سۋرەتشى ەلەنا سەرەجەچكينا.
ال رەناتا ماشەكەنوۆا – پسيحيكالىق دامۋ ەرەكشەلىكتەرى بار «دەيستۆيە بۋكۆالنو» ينكليۋزيۆتى تەاترىنىڭ اۋەسقوي سۋرەتشىسى ءارى اكتريساسى, 9 جاسىنان باستاپ سۋرەت سالادى جانە ءوزىنىڭ شىعارماشىلىعى ارقىلى الەم مەن قورشاعان ورتانى بەينەلەيتىن جۇمىستار جيناعىن ۇسىنادى.
«ماعان مەنىڭ اتامنىڭ سۋرەتشى ەكەندىگى ۇنايتىن, ول كىسى ينتەرناتتا سۋرەت سالۋدان ءدارىس بەردى. مەنى بەينەلەۋ ونەرىنە جەتەلەگەن دە, سۋرەت ونەرىمەن تانىستىرعان دا اتام. ماعان سۋرەتتەرىمدى ەلگە كورسەتىپ, ولاردىڭ تاڭدانىسى مەن قولپاشىنا يە بولۋ ماڭىزدى بولدى», دەيدى رەناتا ماشەكەنوۆا.
وسى تۇرعىدان كەلگەندە Efes Art Space-ءتىڭ قىزمەتى سان الۋان مادەني كەڭىستىگى دە نازار اۋدارۋعا تۇرارلىق. بۇل Efes Kazakhstan الەۋمەتتىك باستاماسىنىڭ ارقاسىندا ىسكە اسىپ جاتقان, الماتى ءۇشىن بىرەگەي جاڭا فورمات. دەمالىس كۇندەرى كومپانيا قايىرىمدىلىق نەگىزىندە كەڭسەسىنىڭ ءبىرىنشى قاباتىن ونەر كەڭىستىگىنە اينالدىرادى. 2022 جىلدىڭ قىركۇيەگىنەن باستاپ مۇندا اي سايىن قازاقستاندىق سۋرەتشىلەر مەن ارت-ۇجىمداردىڭ كورمەلەرى وتكىزىلەدى. ءار دەمالىس سايىن ونى قاجەتسىنەتىن جاندار شىعارماشىلىق ۆوركشوپتارعا, شەبەرلىك ساباقتارىنا, ونەر بويىنشا دارىستەرگە قاتىسىپ ءجۇر.
وسىلايشا كومپانيا ءوز باستاماسى ارقىلى قىلقالام شەبەرلەرى مەن تالانتتى ونەر قايراتكەرلەرىن شابىتتاندىرىپ, جارقىن يدەيالارىنا قولداۋ كورسەتىپ, جاس تالانتتاردىڭ دا ءوزىن كورسەتۋلەرىنە جول اشىپ بەرىپ وتىر.
