جاستار جانە وتباسى ىستەرى كوميتەتىنىڭ تالداۋ جانە مونيتورينگ باسقارماسىنىڭ جەتەكشىسى لياززات قابي «باياندامادا كەلتىرىلگەن دەرەكتەردى تالداۋ جانە ۇسىنىستار ستەيكحولدەرلەرگە جاستارمەن جۇمىستى ساپالى دەڭگەيدە جۇزەگە اسىرۋعا كومەكتەسۋى كەرەك», دەپ اتاپ كورسەتتى. ونىڭ سوزىنشە, ستاتيستيكالىق جانە الەۋمەتتانۋلىق دەرەكتەردى سينتەزدەۋ جاستار ورتاسىنداعى اعىمداعى جاعدايدى كەڭىرەك جانە شىنايى قاراستىرۋعا مۇمكىندىك بەرەدى.
ءوز كەزەگىندە اۆتورلار ۇجىمىنىڭ مۇشەلەرى نەگىزگى ترەندتەر مەن پروبلەمالى ماسەلەلەرگە نازار اۋداردى. ماسەلەن, «ەكونوميكالىق زەرتتەۋلەر ينستيتۋتى» اق تۇراقتى دامۋ ماقساتتارى حاتشىلىعىنىڭ ديرەكتورى باحىتگۇل حامبار «قازىرگى جاستاردى قولداۋ باعدارلامالارى جاھاندىق نارىقتاعى وزگەرىستەردى جانە جاستار جاسىن 35 جاسقا دەيىن ۇلعايتۋدى ەسكەرە وتىرىپ, تولىق قايتا قۇرۋدى قاجەت ەتەتىنىن» اتاپ ءوتتى.
م.نارىكباەۆ اتىنداعى قازمزۋ جوعارى قۇقىق مەكتەبىنىڭ قىلمىستىق سوت تورەلىگى دەپارتامەنتىنىڭ پروفەسسورى وكسانا ۆوزنياك بيىلعى باياندامادا جاستار قاۋىپسىزدىگىنىڭ ماڭىزدى ماسەلەسى, اسىرەسە جاستارعا قارسى جاسالعان قىلمىستاردى باعالاۋ جانە مونيتورينگىلەۋ كورسەتىلگەنىنە توقتالدى.
«قازاقستان جاستارىنىڭ قۇندىلىقتارى ءالى دە بەيساياسي سالادا جاتىر جانە ازاماتتىق-ساياسي پروبلەماتيكامەن تىكەلەي بايلانىستى ەمەس. قۇندىلىق قاتارىندا ءبىرىنشى ورىنداردا وتباسى (83,3%), دەنساۋلىق (64,2%), دوستىق (40,7%), ماتەريالدىق قامتاماسىز ەتىلگەن ءومىر (39,3%), ماحاببات (22,8%), قىزىقتى جۇمىس, ماماندىق (19,6%) جانە ءبىلىم, وقۋ-اعارتۋ (19,5%) تۇراقتى ورىن الىپ وتىر», دەدى ە.بوكەتوۆ اتىنداعى قارمۋ ساياساتتانۋ جانە الەۋمەتتانۋ كافەدراسىنىڭ اسسيستەنت-پروفەسسورى انارا ماقاتوۆا.
