قاتىسۋشىلار اراداعى ىنتىماقتاستىقتى جانە رەسەيدىڭ ءىرى ماركەتپلەيسىنىڭ قازاقستانداعى بيزنەسىن كەڭەيتۋ مۇمكىندىكتەرىن تالقىلادى. ۆيتسە-پرەمەر قازاقستاندا ەلەكتروندىق ساۋدانى دامىتۋ ءۇشىن قىزىعۋشىلىق تۋدىرۋى مۇمكىن ترانسشەكارالىق حابتاردى قۇرۋ جانە قولدانىستاعى جوبالار تۋرالى ايتىپ بەردى. قولدانىستاعى «قورعاس» شەكارا ماڭى ىنتىماقتاستىعىنىڭ حالىقارالىق ورتالىعى اۋماعىندا كەدەن قويماسىنان باسقا قويمالارىن سالۋ ءۇشىن قاجەتتى ينفراقۇرىلىمى بار بوس الاڭدار بار. پەرسپەكتيۆتى جوبالار قاتارىندا باتىس قازاقستان وبلىسىندا «ەۋرازيا» ترانسشەكارالىق ساۋدا ورتالىعىن قۇرۋ, ول ارقىلى ء«بىر بەلدەۋ – ءبىر جول» جانە «سولتۇستىك-وڭتۇستىك» ەكى نەگىزگى ءدالىز وتەدى.
«بۇل ورتالىق لوگيستيكا مەن پرەفەرەنتسيالار تۇرعىسىنان تارتىمدى جانە ءتيىمدى يندۋستريالىق-ونەركاسىپتىك ايماققا اينالادى, سونىمەن قاتار گەوگرافيالىق تۇرعىدان رەسەيگە جاقىن جانە ەاەو نارىقتارى قولجەتىمدى بولادى. بۇل تەرمينال مەن قويما ينفراقۇرىلىمىنىڭ قۋاتتىلىعىن, ءوڭىر ارقىلى جۇكتەردىڭ ترانزيتتىك اعىنىن ارتتىرۋعا زور مۇمكىندىك بەرەدى», دەدى سەرىك جۇمانعارين.
قازىرگى ۋاقىتتا Wildberries كومپانياسىنىڭ قاراۋىنا استانا مەن الماتىداعى ەكى قويما مەن ءبىر جەر تەلىمى ۇسىنىلىپ وتىر.
كەزدەسۋدە تاتيانا باكالچۋك كومپانيا الماتى وبلىسىندا كوپ ارنالى ساۋدا ورتالىعىن سالۋ ءۇشىن ينفراقۇرىلىم تابۋعا مۇددەلى ەكەنىن اتاپ ءوتتى. Wildberries-ءتىڭ باس ديرەكتورى قازاقستاندىق تاراپقا قازاقستاندا ينفراقۇرىلىمدى دامىتۋعا ورىن تاڭداۋ بويىنشا بەلگىلى ءبىر شەشىمدەر قابىلداۋدا جاردەمدەسۋ تۋرالى وتىنىشپەن جۇگىندى.
كەزدەسۋ بارىسىندا «قازپوشتا» اق باسقارما توراعاسى اسەل جاناسوۆا مەن تاتيانا باكالچۋك «قازپوشتا» اق مەن «ۆايلدبەرريز» جشق اراسىندا نيەت تۋرالى مەموراندۋمعا قول قويدى.
كەلىسسوزدەر ناتيجەسىندە تاراپتار Wildberries باسشىلىعىنىڭ ماركەتپلەيس قويمالارىنىڭ الەۋەتتى ورىندارىمەن ەگجەي-تەگجەيلى تانىسۋ جانە ىنتىماقتاستىق شارتتارىن تالقىلاۋ ءۇشىن 2023 جىلدىڭ قاڭتارىندا قازاقستانعا كەلەتىنى تۋرالى كەلىستى.
