سەناتورلار ساپار بارىسىندا ەلەكتروۆوزدار, اۋىل شارۋاشىلىعى جانە ورمان شارۋاشىلىعى جابدىقتارىن قۇراستىرۋ, مەديتسينالىق ماقساتتاعى بۇيىمدار, پارفيۋمەريالىق جانە كوسمەتيكالىق ونىمدەر شىعاراتىن زاۋىتتاردىڭ قىزمەتىمەن تانىستى.
دەپۋتاتتار بىرقاتار كاسىپورىنداردىڭ قىزمەتكەرلەرىمەن وندىرىستەگى قالىپتاسقان پروبلەمالىق ماسەلەلەر مەن ولاردى شەشۋدىڭ ىقتيمال جولدارىن, سونداي-اق ودان ءارى دامۋ كەلەشەگىن دە تالقىلادى.
«ارنايى ەكونوميكالىق ايماقتار ءۇشىن قاجەتتى ينفراقۇرىلىمدى جاساۋ پروبلەمالارى, باسىم قىزمەت تۇرلەرىن كەڭەيتۋ راسىمدەرىنىڭ كۇردەلىلىگى, جاڭا وتكىزۋ نارىعى مەن قاجەتتى شيكىزات ماسەلەسى وتكىر كۇيىندە قالىپ وتىر», دەدى داۋرەن ادىلبەكوۆ.
كوميتەت دەپۋتاتتارى بارلىق كوتەرىلگەن ماسەلەلەردى زاڭنامالىق قىزمەت اياسىندا نازارعا الادى.
رەسپۋبليكا بويىنشا 1,2 تريلليون تەڭگەنى قۇرايتىن 300-دەن استام جوبا جۇزەگە اسىپ جاتقان 13 ارنايى ەكونوميكالىق ايماق بار. وندا 22,5 مىڭنان استام ادام جۇمىسپەن قامتىلعاننىن اتاپ وتكەن ءجون.
