«2023 جىلدىڭ 1 ساۋىرىنەن باستاپ قاۋىپسىزدىك جانە ەڭبەكتى قورعاۋ سالاسىنداعى تاۋەكەلدەردىڭ الدىن الۋ جانە ۋاقتىلى باعالاۋ ماقساتىندا – تسيفرلىق احۋال ورتالىعى ىسكە قوسىلادى. 2023 جىلدىڭ 1 قىركۇيەگىنە دەيىن قاۋىپسىزدىك جانە ەڭبەكتى قورعاۋ سالاسىنداعى ءبىر جارىم مىڭنان استام ستاندارتتار قايتا قارالادى. ەڭبەك نورمالارىنىڭ جاڭا جۇيەسى ەنگىزىلەدى», دەدى ەڭبەك ءمينيسترى ۇكىمەت وتىرىسىندا.
ونىڭ ايتۋىنشا, 2023 جىلدىڭ 20 قاراشاسىنا دەيىن جازاتايىم وقيعالاردان مىندەتتى ساقتاندىرۋ جۇيەلەرىن جەتىلدىرۋ بويىنشا ۇسىنىستار دايىندالادى.
«كەلەسى جىلدىڭ ءبىرىنشى جارتىجىلدىعىندا ەڭبەك كودەكسىنە ءتيىستى وزگەرىستەر ەنگىزە وتىرىپ, جازاتايىم وقيعانى تەرگەپ-تەكسەرۋ كەزىندە قىزمەتكەردىڭ كىناسىن انىقتاۋ قايتا قارالادى. سونداي-اق 2023 جىلى مەملەكەت, بيزنەس جانە جۇمىسشىلار اراسىنداعى الەۋمەتتىك ارىپتەستىكتىڭ تيىمدىلىگىن ارتتىرۋ ماقساتىندا «كاسىپوداقتار تۋرالى» زاڭعا قاجەتتى وزگەرىستەر ەنگىزىلەدى», دەپ تولىقتىردى مينيستر.
