بۇگىندە eGovMobile قوسىمشاسىن 13 ملن ادام پايدالانىپ, 17 ميلليوننان استام قىزمەت كورسەتىلدى. 26 قىزمەت پرواكتيۆتى فورماتتا كورسەتىلەدى.
پلاتفورمالىق مودەلگە كوشۋ ءۇشىن «QazTech» وتاندىق پلاتفورماسىن قۇرۋ بويىنشا بۇلتتىق تەحنولوگيالارعا كوشۋ كەزەڭى ىسكە اسىرىلادى.
«الەۋمەتتىك قورعاۋ» باعىتى اياسىندا «وتباسىنىڭ تسيفرلىق كارتاسى» پيلوتتىق رەجيمدە ىسكە قوسىلدى. قازىرگى ۋاقىتتا 80 كريتەري بويىنشا 6,5 ملن وتباسىنا مونيتورينگ جۇرگىزىلدى. كەلەسى جىلى ونى وندىرىستىك پايدالانۋعا قوسۋ جوسپارلانىپ وتىر.
«جاڭا تسيفرلىق مۇمكىندىكتەر باعىتى بويىنشا بارلىق قالالار مەن اۋدان ورتالىقتارىندا كەڭ جولاقتى ينتەرنەتتى قامتاماسىز ەتۋ جوسپارلانعان. بۇگىنگى ۇيالى بايلانىس بويىنشا جاعدايعا توقتالساق, 3G تەحنولوگياسى بويىنشا 3 مىڭنان استام ەلدى مەكەن, 4G – 1 628 ەلدى مەكەن قامتىلعان», دەدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى.
مىس كابەلىمەن وتكىزىلگەن سىمدى بايلانىس 34%-دى, ال وپتيكا 26%-دى قۇراپ وتىر. الەمدە مىس كابەلى مەن 3G تەحنولوگياسىنىڭ ەسكىرۋىن نازارعا الا وتىرىپ, 2027 جىلعا دەيىن ولاردى تۇپكىلىكتى اۋىستىرۋ جۇمىستارى جۇرگىزىلەدى.
سونداي-اق موبيلدىك 4G تەحنولوگيا 100%-عا جەتكىزىلىپ, وپتيكا ينفراقۇرىلىمى 90%-عا ارتتىرىلادى.
سونىمەن قاتار 2027 جىلعا دەيىن 5G تەحنولوگياسىنىڭ استانا, الماتى جانە شىمكەنتتەگى ۇلەسى 75%-عا, ال وبلىس ورتالىقتارىندا 60%-عا كوتەرىلەدى.
باعدات ءمۋسيننىڭ ايتۋىنشا, كەلەسى ماڭىزدى ءىس-شارا – بۇل رەسپۋبليكالىق جانە باستى وبلىستىق ماڭىزى بار جولداردى ۇيالى بايلانىس پەن ينتەرنەتكە قوسۋ.
«قازىرگى كەزدە ينتەرنەت وسى جولداردىڭ 25%-دا عانا قوسىلعان. ال, ۇيالى بايلانىس 86%-دى قۇرايدى. 2027 جىلعا دەيىن وسى جولداردىڭ 100% ينتەرنەتپەن جانە ۇيالى بايلانىسپەن قامتىلاتىن بولادى», دەدى ۆەدومستۆو باسشىسى.
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىنىڭ ايتۋىنشا, بۇل ءىس-شارالار «قولجەتىمدى ينتەرنەت» ۇلتتىق جوباسى شەڭبەرىندە جۇرگىزىلىپ, وپەراتورلارعا بەرىلگەن سالىق پرەفەرەنتسيالارى مەن ولاردىڭ ينۆەستيتسيالارى نەگىزىندە قارجىلاندىرىلىپ, رەسپۋبليكالىق جانە جەرگىلىكتى بيۋدجەت شىعىندارىمەن تولىقتىلىرادى.
اقپاراتتىق-كوممۋنيكاتسيالىق تەحنولوگيالار سالاسىندا 25 مىڭ جۇمىس ورنى قۇرىلادى. ال ەكونوميكانىڭ جىل سايىنعى ءونىمىنىڭ وسۋىنە تسيفرلىق تەحنولوگيالاردىڭ قوساتىن ۇلەسى 1%-عا دەيىن جەتكىزىلەدى. ياعني, بۇل جەردە جىل سايىنعى ەكونوميكانىڭ ءوسۋ ديناميكاسىنا اكت-نىڭ قوسقان ۇلەسىن بۇگىنگى 0,3%-دان 1%-عا دەيىن ارتادى.
ونىڭ سوزىنشە, بۇل ءۇشىن ايتي ماماندارىن 3000 ۆاۋچەرمەن قولداپ, بارلىق قالالاردا وڭىرلىك تەحنولوگيالىق حابتاردى اشۋمەن قاتار, ەلىمىزگە شەتەلدىك كومپانيالاردىڭ «رەلوكاتسياسى» قولداۋ تابادى.
2023 جىلدان باستاپ الەۋمەتتىك وسال توپتارىنداعى وتباسىلاردان شىققان وقۋشىلارعا كومپيۋتەرلەردى جالعا بەرۋ باعدارلاماسى بەكىتىلەدى. كەلەسى جىلى 20 مىڭ بالا قامتاماسىز ەتىلەدى.
مەملەكەت باسشىسىنىڭ جولداۋىنا سايكەس اۋىل شارۋاشىلىعى جەرلەرىن مەملەكەتكە قايتارۋ جانە ءتيىمدى قولدانۋدى مونيتورينگىلەۋ ءۇشىن قازاقستان عارىش ساپارى نەگىزىندە JerInSpectr پلاتفورماسىن 1 شىلدەدەن باستاپ ىسكە قوسىلدى. پلاتفورما جەر پايدالانۋداعى بۇزۋ فاكتىلەرىن انىقتاۋ جانە شارالار قابىلداۋعا باعىتتالعان.
«الداعى ۋاقىتتا مەملەكەتكە قايتارىلعان جەرلەردىڭ اشىق ءارى ءادىل ءبولىنۋىن قاداعالاۋ ءۇشىن AGROSPACE اۋىل شارۋاشىلىعى وندىرۋشىلەرىنىڭ پلاتفورماسى قۇرىلادى. AGROSPACE-تە جەكە كابينەت نەگىزىندە ورىستەردىڭ جاي-كۇيىن باقىلاۋعا مۇمكىندىك بەرەدى», دەدى باعدات مۋسين.
سايلاۋالدى پرەزيدەنت باعدارلاماسىنا ءتيىمدى مونيتورينگ جاساۋ ءۇشىن 2023 جىلى جوبالىق باسقارۋ جۇيەسى ىسكە قوسىلادى.
