«بيىل ءبىز كۇردەلى گەوساياسي جاعدايعا بايلانىستى بىرقاتار قيىندىققا تاپ بولدىق. بۇل باعانىڭ وسۋىنە, ينفلياتسياعا, ەكونوميكالىق دامۋدىڭ باسەڭدەۋىنە اكەپ سوقتى. 2023 جىلى ءبىزدى جاڭا سىن-قاتەرلەر مەن تاۋەكەلدەر كۇتىپ تۇر. سوندىقتان ءبىز پرەزيدەنتتىڭ سايلاۋالدى باعدارلاماسى مەن تاپسىرمالارىن ساپالى ىسكە اسىرۋ ءۇشىن بارىنشا كۇش سالۋىمىز كەرەك. سونداي-اق فورس-ماجور جاعدايلارعا بارىنشا تەز ارەكەت ەتۋىمىز قاجەت. ءار مينيستر ءوز سالاسى بويىنشا تاپسىرمالاردىڭ 100%-كە ورىندالۋىنا كەپىلدىك بەرۋى ءتيىس. ال ءاربىر اكىم جەرگىلىكتى جەرلەردە الەۋمەتتىك-ەكونوميكالىق ماسەلەلەردىڭ ساپالى شەشىلۋىن قامتاماسىز ەتۋى كەرەك», دەدى پرەمەر-مينيستر.
ۇكىمەت باسشىسى تسيفرلىق جوبالىق وفيس اياسىندا بارلىق باعدارلامانىڭ جوبالارى مەن مەملەكەت باسشىسىنىڭ تاپسىرمالارىنىڭ ورىندالۋىن تۇراقتى تۇردە باقىلاپ وتىرادى. مەرزىمىندە ورىندالماسا نەمەسە ورىندالۋ ساپاسى ناشار بولسا, دەرەۋ كادرلىق شەشىمدەر قابىلدانادى.
