كولىك جانە لوگيستيكا, ەنەرگەتيكا, تاۋ-كەن مەتاللۋرگيا كەشەنى, مۇناي-حيميا, اۋىل شارۋاشىلىعى جانە ت.ب. سالالاردا جوبالاردى ىسكە اسىرۋ مۇمكىندىكتەرى قارالدى.
پرەمەر-مينيستر مۇنىڭ بارلىعى قازاقستان ەكونوميكاسى ءۇشىن باسىم باعىتتار ەكەنىن اتاپ ءوتتى.
«وسى ورايدا Adani Group-پەن ىنتىماقتاستىقتىڭ الەۋەتى زور دەپ سانايمىز جانە ءسىزدىڭ كومپانياڭىزدىڭ ءبىزدىڭ ەلىمىزدەگى ىسكەرلىك بايلانىستاردى كەڭەيتۋ نيەتىن قۇپتايمىز», دەدى ءاليحان سمايىلوۆ.
ۇكىمەت قازاقستاندا حولدينگ جوبالارىن ىسكە اسىرۋ ءۇشىن جان-جاقتى قولداۋ كورسەتۋگە دايىن.
ءوز كەزەگىندە گاۋتام اداني كومپانيا ءبىرىنشى كەزەكتە ازاماتتىق اۆياتسيا, مۇناي-حيميا سەكتورى, كولىك-لوگيستيكالىق ينفراقۇرىلىم, جاڭارتىلاتىن ەنەرگيا كوزدەرىن دامىتۋ جانە «جاسىل» سۋتەگىن ءوندىرۋ بويىنشا جوبالارعا قىزىعۋشىلىق تانىتىپ وتىرعانىن اتاپ ءوتتى.
ء«بىز بەلسەندى جۇمىس ىستەۋگە دايىنبىز», دەدى گاۋتام اداني.
