ساپاردىڭ ءبىرىنشى كۇنى مينيستر گەرمانيا ەكونوميكاسى شىعىس كوميتەتىنىڭ (گەشك) قۇرىلعانىنا 70 جىل تولۋىنا ارنالعان سالتاناتتى ءىس-شاراعا قۇرمەتتى قوناق رەتىندە قاتىستى.
ءىس-شاراعا گفر فەدەرالدى كانتسلەرى ولاف شولتس, ۆيتسە-كانتسلەر - فەدەرالدى ەكونوميكا جانە كليماتتى قورعاۋ ءمينيسترى روبەرت حابەك, گفر مەملەكەتتىك ورگاندارىنىڭ باسشىلارى, جەتەكشى نەمىس كومپانيالارى مەن بيزنەس قاۋىمداستىقتارىنىڭ توپ-مەنەدجەرلەرى قاتىستى.
گەشك - شىعىس ەۋروپا جانە ورتالىق ازيانىڭ 29 مەملەكەتىندە نەمىس كاپيتالى بار ينۆەستيتسيالىق جوبالاردى ىلگەرىلەتەتىن ءىرى جانە كونە بيزنەس-قاۋىمداستىقتاردىڭ ءبىرى. كوميتەت ءىس جۇزىندە بارلىق بيزنەس سالالارىنىڭ مۇددەلەرىن بىلدىرەتىن گەرمانيانىڭ ءىرى نەگىزگى ىسكەرلىك بىرلەستىكتەرىن بىرىكتىرەدى.
ءىس-شارا اياسىندا مينيستر م.تىلەۋبەردى گەرمانيانىڭ فەدەرالدى كانتسلەرى و.شولتسپەن كەزدەسىپ, سونداي-اق گەشك باسقارما توراعاسىنىڭ ورىنباسارى گانس-ۋلريح ەنگەل جانە اتقارۋشى ديرەكتور مايكل حارمسپەن كەلىسسوزدەر جۇرگىزدى.
گەشك باسشىلىعىنا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قۇتتىقتاۋ جولداۋى تابىس ەتىلدى. وندا شىعىس كوميتەتىنىڭ قازاقستان مەن گەرمانيا اراسىنداعى ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى دامىتۋعا قوسقان باعا جەتپەس ۇلەسى ەرەكشە اتالعان.
