تارازدا قازاق مۋزىكاسىنىڭ كوريفەيى، «جايلاۋكول كەشتەرى»، «ەدىل مەن جايىق»، «دانياردىڭ ءانى»، ء«جاميلانىڭ ءانى» سەكىلدى كوپتەگەن تۋىندىلارى ءان الەمىندە التىن ارىپپەن جازىلعان قازاقستاننىڭ ەڭبەك ەرى، داڭقتى كومپوزيتور ءىليا جاقانوۆتىڭ «جايلاۋكول كەشتەرى» اتتى شىعارماشىلىق كەشى ءوتتى.
ءىس-شارا بارىسىندا بالاساعۇن اتىنداعى ورتالىق كونتسەرت زالعا جينالعان جۇرتشىلىققا ءۇش بىردەي جيناق تانىستىرىلدى. جاڭادان جارىق كورگەن كىتاپتاردىڭ قاتارىندا ونەر جاناشىرى قانات ورداباەۆتىڭ دەمەۋشىلىگىمەن جارىق كورگەن ءىليا جاقانوۆتىڭ شىعارمالارى ەنگەن «جايلاۋكول كەشتەرى» اتتى جيناق بار. ودان بولەك، جازۋشى-جۋرناليست قالي سارسەنبايدىڭ قالامىنان تۋعان ء«دۇلدۇل»، ءىليا جاقانوۆتىڭ ءوزى جازعان «تاڭعاجايىپ ماحاببات» سەكىلدى جيناقتار دا وقىرمان ءۇشىن ۇلكەن ولجا ەكەنى راس.
ءىليا جاقانوۆتىڭ جان تەبىرەنتەتىن اندەرىمەن ادىپتەلگەن كەش بارىسىندا ءوڭىر باسشىسى نۇرجان نۇرجىگىتوۆ ءسوز الىپ، دارابوز تۇلعاعا ىزگى تىلەگىن جەتكىزدى.
«قازاقتىڭ بايتاق دالاسىن ءان-كۇيگە بولەگەن ءبىرجان سال، اقان سەرى، قۇرمانعازى، ىقىلاس، حح عاسىردىڭ كوريفەيلەرى ءشامشى مەن نۇرعيسا سەكىلدى ونەر دۇلدۇلدەرىنىڭ قاسيەتتى جولىن جالعاعان قازاقتىڭ ماڭدايالدى كومپوزيتورىمەن قاي كەزدە دە ماقتانامىز»، دەدى وبلىس اكىمى.
كەش بارىسىندا ونەر جۇلدىزدارى كومپوزيتوردىڭ حالىققا كەڭ تاراعان اندەرىن شىرقادى. كورەرمەننىڭ ەسىنە كەزىندە حيت بولعان اندەردى سالدى. «جايلاۋكول كەشتەرى» ساعىنىشتىڭ سازىنا اينالدى.
تاراز
ءۇمىت • كەشە
ونەركاسىپتىڭ قوزعاۋشى كۇشى – عىلىم
عىلىم • كەشە
بيزنەس • كەشە
پىكىر • كەشە
پىكىر • كەشە
ۇستاز • كەشە
ۇقساس جاڭالىقتار
