بيزنەسكە قويىلاتىن باسى ارتىق تالاپتاردى انىقتاۋ بويىنشا اۋقىمدى رەۆيزيا جۇرگىزىلۋدە. بۇگىندە وسىنداي 7 مىڭعا جۋىق تالاپ انىقتالدى, ولار جويىلادى.
مەملەكەتتىك باقىلاۋ جۇيەسىن رەفورمالاۋدىڭ جاڭا كەزەڭى – تاۋەكەلدەردى باسقارۋ جۇيەلەرىن اۆتوماتتاندىرۋ ارقىلى تەكسەرۋلەردەن بۇزۋشىلىقتاردىڭ الدىن الۋعا اۋىسۋ باستالدى.
«بۇل جۇمىس كەلەسى جىلى شاعىن جانە ورتا بيزنەس سۋبەكتىلەرىن تەكسەرۋگە موراتوري مەرزىمى وتكەننەن كەيىن اياقتالۋى ءتيىس. قابىلدانىپ جاتقان شارالار شوب-تا جۇمىسپەن قامتىلعاندار سانىن 4,7 ملن-عا دەيىن ارتتىرۋعا مۇمكىندىك بەرەدى», دەدى پرەمەر-مينيستر.
باسەكەلەستىكتى دامىتۋ ءۇشىن ەكونوميكاعا مەملەكەتتىڭ قاتىسۋىن قىسقارتۋ جالعاسادى. اتاپ ايتقاندا, جەكەشەلەندىرۋ بويىنشا كەشەندى جوسپارعا قوسىمشا 171 وبەكت ەنگىزىلدى, حالىق تۇرمىسى ءۇشىن ماڭىزى زور سۋمەن, ەلەكترمەن جانە جىلۋمەن جابدىقتاۋ سالالارىنداعى 200-گە جۋىق الەۋمەتتىك ماڭىزى بار وبەكتى الىنىپ تاستالدى, «قازمۇنايگاز» حالىقتىق IPO وتكىزىلدى.
سونىمەن قاتار ءمجا تەتىكتەرىن قايتا جاڭعىرتۋ ءۇشىن زاڭنامالىق تۇزەتۋلەر ازىرلەندى.
