جۋىقتا بۇل ۋنيۆەرسيتەتكە الكەي مارعۇلاننىڭ ەسىمى بەرىلگەنىن اتاپ وتكەن ابزال. شاراعا عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ, ءا.مارعۇلاننىڭ ۇرپاعى دانەل الكەيقىزى قاتىستى.
–بۇگىن پاۆلودار پەداگوگيكالىق ۋنيۆەرسيتەتىنىڭ ۇجىمى ءۇشىن تاريحي ءسات. جاقىندا ءبىلىم ورداسىنا اكادەميك, كورنەكتى تاريحشى عالىم الكەي مارعۇلاننىڭ ەسىمى بەرىلگەن بولسا, بۇگىن وقۋ ورداسىنىڭ تورىندە ءبيۋستى اشىلدى. بۇل وقۋ ورنىنىڭ ۇجىمى ءۇشىن جوعارى مارتەبە جانە ۇلكەن جاۋاپكەرشىلىك, – دەپ اتاپ ءوتتى قۋانىش اسىلحان ۇلى.
قازاقستاننىڭ ەڭبەك سىڭىرگەن عىلىم قايراتكەرى, اكادەميك ءا.بەكتۇروۆتىڭ قۇرمەتىنە ارنالعان اۋديتوريانىڭ اشىلۋى دا ەلەۋلى وقيعا سانالادى. تىرىسىندە دۇنيە ءجۇزىن مويىنداتقان عالىم باياناۋىل اۋدانىنىڭ تۋماسى. تەحنيكا عىلىمدارىنىڭ دوكتورى, پروفەسسور, قازاقستان عىلىم اكادەمياسىنىڭ اكادەميگى بولدى. كەڭەس وكىمەتى تۇسىندا اقش-تا وتە اۋقىمدى, دۇنيە ءجۇزىنىڭ عالىمدارىن قامتىعان عىلىمي ەنتسيكلوپەديا جارىق كوردى. سول ەنتسيكلوپەدياعا كەڭەس ەلىنەن بار-جوعى 10 عالىم ەنسە, سونىڭ ءبىرى – جەرلەسىمىز ابىكەن بەكتۇروۆ.
«ابىكەن بەكتۇر ۇلى مەنىڭ اكەم ىسپەتتى بولىپ كەتكەن كىسى ەدى. كەزىندە كوزىن كورىپ, اقىل-كەڭەسىن تىڭدادىق. مەنىڭ بالا كەزىمدە اعاسى حامزە بەكتۇروۆپەن جاقىن ارالاستىق. سول كەزدە ابىكەن اعاسىنىڭ ۇيىنە ءجيى كەلەتىن. ال بۇگىن ۋنيۆەرسيتەت قابىرعاسىندا ارنايى اۋديتوريا اشىلۋىنىڭ كۋاسى بولدىق. بۇل ءبىزدىڭ اۋلەتىمىز ءۇشىن ۇلكەن مارتەبە. وقۋ ورنىنىڭ ۇجىمىنا العىس بىلدىرەمىن», دەدى اكادەميكتىڭ تۋىسى سايلاۋ تاجىباەۆ.
اتاپ وتەرلىگى, مۇندا «ونەگەلى تۇلعالار» اتتى كىتاپتار سەرياسىنىڭ كەزەكتى جيناعىنىڭ تۇساۋكەسەرى وتكىزىلدى. ءبىرىنشى سەريادا 11 تۇلعاعا ارنالعان كىتاپتار جارىق كورگەن بولسا, وسى جولعىسى 6 عالىمعا ارنالدى.
پاۆلودار وبلىسى
