وقيعا • 09 جەلتوقسان، 2022

ەكىباستۇزداعى 1300-دەن استام بالاعا دەمالىس ۇيىمداستىرىلادى

73 رەت كورسەتىلدى

بۇگىن «AMANAT» پارتياسى تۇركىستان وبلىستىق فيليالىنىڭ كەزەكتەن تىس كونفەرەنتسياسى ءوتتى. ءىس-شاراعا پارتيا توراعاسى ەرلان قوشانوۆ، وڭىرلىك ساياسي كەڭەس مۇشەلەرى، ماسليحاتتارداعى «AMANAT» دەپۋتاتتىق فراكتسياسىنىڭ مۇشەلەرى، باستاۋىش پارتيا ۇيىمدارىنىڭ باسشىلارى، وبلىستىق پارتيا اكتيۆى قاتىستى، دەپ جازادى Egemen.kz.

كونفەرەنتسيا جۇمىسىن اشا وتىرىپ، «AMANAT»-تىڭ توراعاسى الداعى سايلاۋ ناۋقانى كەزەڭىندەگى پارتيالىقتاردىڭ الدىندا تۇرعان بىرقاتار باسىم مىندەتتەردى ايقىنداپ بەردى.

589

«سايلاۋى وزگەشە ساياسي تارتىپتە، جاڭا ەرەجە بويىنشا وتەدى. سوندىقتان سايلاۋ كامپانياسىنىڭ ستراتەگياسىن قازىردەن دايىنداپ الۋىمىز قاجەت. وتكەن پرەزيدەنتتىك سايلاۋ كەزىندە بىزگە حالىقتان 51 مىڭ ۇسىنىس پەن تىلەك كەلىپ ءتۇستى. سونىڭ 3 مىڭنان استامى تۇركىستان وبلىسىنىڭ حالقىنان جينالدى. تۇرعىنداردى جالاقىنىڭ تومەندىگى، تۇرعىن-ءۇي ماسەلەسى، جۇمىسسىزدىق قاتتى الاڭداتادى. سوندىقتان اتالعان ماسەلەلەر سايلاۋالدى تۇعىرنامادا كورىنىس تابۋى كەرەك»، دەدى پارتيا توراعاسى.

پارتيا توراعاسى بارلىق دەڭگەيدەگى ءماسليحات دەپۋتاتتارىن، باستاۋىش پارتيا ۇيىمدارى مەن قوعامدىق قابىلداۋ بولمەلەرىن ازاماتتاردىڭ ماسەلەلەرىن شەشۋ ءۇشىن جۇمىلدىرۋ ماڭىزدى ەكەنىن اتاپ ءوتتى.

ء«بىز ءوز سايلاۋشىلارىمىزبەن جانە جاقتاستارىمىزبەن ءاردايىم تىعىز بايلانىستا بولۋىمىز كەرەك. «AMANAT» پارتياسى – ەل پرەزيدەنتىنىڭ قوعامدىق تىرەگى. ونىڭ وڭىرلىك جەلىلەرى دە، ماجىلىستەگى جانە بارلىق دەڭگەيدەگى ماسليحاتتارداعى دەپۋتاتتار سانى دا كوپ. اماناتتىقتار ارقاشان الدىڭعى قاتاردان تابىلادى»، دەدى ەرلان قوشانوۆ.

ول ەكىباستۇزداعى توتەنشە جاعداي كەزىندە ۆولونتەرلەر مەن پارتيا بەلسەندىلەرى العاشقى كۇننەن باستاپ قالا تۇرعىندارىنا گۋمانيتارلىق كومەكتى تاراتۋعا اتسالىسقانىن اتاپ ءوتتى. تۇرعىندارعا جىلىتقىشتار، جىلى كورپەلەر جانە ءبىرىنشى كەزەكتە قاجەتتى زاتتار تابىستالدى. ەكىباستۇزدىقتارعا كومەك كورسەتۋ جۇمىسى جالعاسىپ جاتىر.

«زارداپ شەككەن وتباسىلاردىڭ باسپانالارىندا جوندەۋ جۇمىستارى باستالادى. وسى كەزدە ەكىباستۇزداعى بالالاردى ەلىمىزدەگى، سونىڭ ىشىندە تۇركىستان وبلىسىنداعى شيپاجايلارعا جىبەرۋگە دە بولادى دەپ سانايمىن. «AMANAT» پارتياسى 1300-دەن استام وقۋشىنىڭ قىسقى كانيكۋل ۋاقىتىندا ەلدەگى دەمالىس كەشەندەرىنە بارۋىنا جاعداي جاسايدى»، دەدى ەرلان قوشانوۆ.

ول سونداي-اق پارتيالىقتار جاستارمەن جۇمىس ىستەۋگە ەرەكشە نازار اۋدارۋى ءتيىس ەكەنىن اتاپ ءوتتى. جاستار قاتارىنا كىرەتىن ازاماتتاردىڭ جاسىن 35 جاسقا دەيىن ۇلعايتۋدى كوزدەيتىن جاستار ساياساتى تۋرالى جاڭا زاڭ جوباسىن ەسكەرە وتىرىپ، بۇدان بىلاي سايلاۋشىلاردىڭ 40%-دان استامى وسى ساناتقا جاتاتىن بولادى.

سونىمەن قاتار، ايماقتارداعى اماناتتىقتار تۇرعىنداردىڭ الەۋمەتتىك-ەكونوميكالىق ءال-اۋقاتىن جاقسارتۋعا باعىتتالعان پارتيالىق جوبالاردى ىسكە اسىرۋ جۇمىسىن كۇشەيتۋى ءتيىس. ولاردىڭ قاتارىندا «جەر اماناتى»، «اۋىل اماناتى» جانە ت.ب. جوبالار بار.

كونفەرەنتسيا بارىسىندا فيليالدىڭ جاڭا توراعاسى سايلاندى.

وسىلايشا، كونفەرەنتسيا جۇمىسىنا قاتىسقان دەلەگاتتار اشىق داۋىس بەرۋ ارقىلى التىنسارى ۇمبەتاليەۆتى «AMANAT» پارتياسى تۇركىستان وبلىستىق فيليالىنىڭ جاڭا باسشىسى رەتىندە سايلادى. ول بۇعان دەيىن شىمكەنت ۋنيۆەرسيتەتىنىڭ «ەكونوميكا» كافەدراسىنىڭ پروفەسسورى قىزمەتىن اتقاردى. سونداي-اق ول ەكونوميكا عىلىمدارىنىڭ دوكتورى.

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار