«ەندى پرەفەرەنتسيالىق كەلىسىمدەر جاسالعان سەرىكتەستەرمەن ءوزارا ءىس-ارەكەتتىڭ ساپاسىن ارتتىرۋعا نازار اۋدارۋ ماڭىزدى. بۇل جەردە ۆەتنام, سەربيا جانە يران تۋرالى ءسوز بولىپ وتىر. سونداي-اق ءۇندىستان, مىسىر, يندونەزيا جانە يزرايلمەن ەركىن ساۋدا ايماعى تۋرالى كەلىسىمدەرگە قاتىستى جۇمىستى جەدەلدەتكەن ءجون», دەدى پرەزيدەنت.
سونداي-اق ول بۇل جونىندە بىرنەشە رەت ايتقانىن ەسكە سالدى.
«قازاقستان بىرىككەن اراب امىرلىكتەرىمەن ەركىن ساۋدا ايماعى تۋرالى كەلىسىم بويىنشا كەلىسسوز باستالعانىن قولدايدى. بۇل باستامانىڭ كەلەشەگى زور ءارى بۇكىل «ەۋرازيالىق بەستىكتىڭ» مۇددەسىنە ساي كەلەدى دەپ سانايمىن. ەندى وسى پروتسەستى سوزبالاڭعا سالماۋ ماڭىزدى», دەدى مەملەكەت باسشىسى.
