قازاقستان • 09 جەلتوقسان، 2022

پرەزيدەنت جارلىعى: جاڭادان تاعايىندالعان جانە قىزمەتىندە قالعان اكىمدەر

152 رەت كورسەتىلدى

ەلىمىزدە مەملەكەت باسشىسىنىڭ جارلىعىمەن مەگاپوليستەر مەن وبلىستاردىڭ اكىمدەرى تاعايىندالعان ەدى. نازارلارىڭىزعا وبلىس جانە رەسپۋبليكالىق دەڭگەيدەگى قالا اكىمدەرى تۋرالى قىسقا دەرەك ۇسىنامىز. 

جەتىسۋ وبلىسىنىڭ اكىمى بولىپ بەيبىت يساباەۆ تاعايىندالدى.

ى

بەيبىت وكسىكباي ۇلى يساباەۆ 1962 جىلى الماتى وبلىسىندا تۋعان. س.م.كيروۆ اتىنداعى قازاق مەملەكەتتىك ۋنيۆەرسيتەتىن، قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن. ماماندىعى – جۋرناليست، حالىقارالىق قاتىناستار مامانى. توتەنشە جانە وكىلەتتى ەلشى ديپلوماتيالىق دارەجەسى بار، ساياسي عىلىمداردىڭ كانديداتى.

اتىراۋ وبلىسىنىڭ اكىمى لاۋازىمىنا سەرىك جامبىل ۇلى شاپكەنوۆ تاعايىندالدى.

ف

سەرىك جامبىل ۇلى 1979 جىلى 29 شىلدەدە باتىس قازاقستان وبلىسى قاراتوبە اۋىلىندا تۋعان. باتىس قازاقستان مەملەكەتتىك ۋنيۆەرسيتەتىن «ەكونوميست-ماتەماتيك» ماماندىعى بويىنشا بىتىرگەن. ەڭبەك جولىن 2000 جىلى باتىس قازاقستان مەملەكەتتىك ۋنيۆەرسيتەتىندە وقىتۋشى بولىپ باستادى. ءتۇرلى جىلدارى باتىس قازاقستان وبلىسى اكىمىنىڭ اپپاراتى قۇرىلىمىندا جۇمىس ىستەدى.

مۇرات ايتەنوۆ شىمكەنت قالاسىنىڭ اكىمى قىزمەتىنە قايتا تاعايىندالدى.

ف

مۇرات ايتەنوۆ 1981 جىلى تۋعان. ءبىلىمى جوعارى، ماماندىعى بويىنشا «ۇيىمداستىرۋ جانە اقپاراتتى قورعاۋ تەحنولوگياسى» جانە زاڭتانۋ. ەڭبەك جولىن استانا قالاسىندا 2004 جىلى قر قورعانىس مينيسترلىگى جانىنداعى ارنايى بايلانىس ءبولىمىنىڭ كەزەكشىلىك اۋىسىمىنىڭ اعا ينجەنەر-باستىعى بولىپ باستاعان. 2020 جىلدىڭ قاڭتارىنان بەرى شىمكەنت قالاسىنىڭ اكىمى بولىپ قىزمەت ەتۋدە.

ايداربەك سەيپىل ۇلى ساپاروۆ سولتۇستىك قازاقستان وبلىسىنىڭ اكىمى لاۋازىمىنا تاعايىندالدى.

ف

ساپاروۆ ايداربەك سەيپىل ۇلى 1966 جىلى 12 ماۋسىمدا سولتۇستىك قازاقستان وبلىسىندا دۇنيەگە كەلگەن. ومبى اۋىل شارۋاشىلىعى ينستيتۋتىن (1992)، ماناش قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن (2006) زووينجەنەر ماماندىعى، مەملەكەتتىك باسقارۋ باكالاۆرى بويىنشا تامامداعان. ەڭبەك جولىن 1984 جىلى سوۆحوزدىڭ بۋحگالتەرى بولىپ باستاعان. «قۇرمەت» وردەنىمەن، «استاناعا 10 جىل» مەرەيتويلىق مەدالىمەن ماراپاتتالعان.

مارات سۇلتانعازيەۆ الماتى وبلىسىنىڭ اكىمى بولىپ قايتا تاعايىندالدى.

ف

مارات سۇلتانعازيەۆ 1976 جىلى 24 اقپاندا الماتى وبلىسى شەلەك اۋدانى قاراتۇرىك اۋىلىندا دۇنيەگە كەلدى. اباي اتىنداعى الماتى مەملەكەتتىك ۋنيۆەرسيتەتىن، قازاق مەملەكەتتىك زاڭ اكادەمياسىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن تامامداعان. ماماندىعى بويىنشا — ەكونوميست-قارجىگەر، زاڭگەر، ىسكەرلىك اكىمشىلەندىرۋ ماگيسترى. ەڭبەك جولىن 1997 جىلى سالىق ءبولىمىنىڭ زاڭدى تۇلعالاردى تەكسەرۋ ءبولىمىنىڭ ءبىرىنشى ساناتتى مامانى بولىپ باستاعان. 2022 جىلدىڭ 11 ماۋسىمىنان بەرى الماتى وبلىسىنىڭ اكىمى بولىپ قىزمەت ەتۋدە.

ەرالى توعجانوۆ اقتوبە وبلىسىنىڭ اكىمى قىزمەتىندە قالدى.

ف

ەرالى توعجانوۆ 1963 جىلى 13 مامىردا دۇنيەگە كەلگەن. 1988 ج. – ە. ا. بوكەتوۆا اتىنداعى قاراعاندى مەملەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەن. 1994 ج. – قازاقستان رەسپۋبليكاسى عىلىم اكادەمياسىنىڭ مەملەكەت جانە قۇقىق ينستيتۋتىن تامامداعان. زاڭ عىلىمدارىنىڭ كانديداتى، ساياساتتانۋ عىلىمدارىنىڭ دوكتورى.  2022 جىلعى 31 تامىزدان بەرى اقتوبە وبلىسىنىڭ اكىمى بولىپ قىزمەت ەتۋدە.

مەملەكەتتىك ناگرادالارى: «دوستىك» II دارەجەلى وردەنى، «قازاقستان رەسپۋبليكاسىنىڭ تاۋەلسىزدىگىنە 10 جىل»، «ەرەن ەڭبەگى ءۇشىن» مەدالى.

قۇمار ىرگەباي ۇلى اقساقالوۆ قوستاناي وبلىسىنىڭ اكىمى لاۋازىمىنا تاعايىندالدى.

ف

1965 جىلدىڭ 24 تامىزىندا، قوستاناي وبلىسىنىڭ لەنينسك اۋىلىندا دۇنيەگە كەلگەن. 1987 جىلى ۆ.پ.گورياچكين اتىنداعى ماسكەۋ اۋىل شارۋاشىلىعى ءوندىرىسىنىڭ ينجەنەرلىك ينستيتۋتىن ينجەنەر-مەحانيك ماماندىعى بويىنشا تامامداعان. ەكونوميكا عىلىمدارىنىڭ كانديداتى.  2017 جىلعى 14 ناۋرىزدان باستاپ سولتۇستىك قازاقستان وبلىسىنىڭ اكىمى بولدى.

دارحان امانگەلدى ۇلى ساتىبالدى تۇركىستان وبلىسىنىڭ اكىمى لاۋازىمىنا تاعايىندالدى.

ف

دارحان امانگەلدى ۇلى 1974 جىلى سارىاعاش اۋدانىندا دۇنيەگە كەلگەن. س.سەيفۋللين اتىنداعى اقمولا اۋىل شارۋاشىلىق ينستيتۋتىن، قازاق گۋمانيتارلىق-زاڭ ۋنيۆەرسيتەتىن بىتىرگەن. شىمكەنت قالاسىنىڭ اكىمى، وڭتۇستىك قازاقستان وبلىسى اكىمىنىڭ ءبىرىنشى ورىنباسارى، قر پرەمەر-ءمينيسترى كەڭسەسى ءبولىم مەڭگەرۋشىسىنىڭ ورىنباسارى بولىپ قىزمەت اتقارعان. قازاقستان رەسپۋبليكاسى پارلامەنتى سەناتىنىڭ دەپۋتاتى بولعان. 2019-2022 جىلدارى قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى بولىپ قىزمەت ەتتى. 2022 جىلدىڭ تامىزىنان بەرى تۇركىستان وبلىسىنىڭ اكىمى قىزمەتىندە.

نۇرلىبەك ماشبەك ۇلى نالىباەۆ قىزىلوردا وبلىسىنىڭ اكىمى لاۋازىمىنا تاعايىندالدى.

ف

نۇرلىبەك نالىباەۆ 1976 جىلى قىزىلوردا وبلىسىندا تۋعان. قازاق مەملەكەتتىك اگرارلىق ۋنيۆەرسيتەتىن، قازاق گۋمانيتارلىق زاڭ ۋنيۆەرسيتەتىن بىتىرگەن. رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ 3 كۋرس دوكتورانتى. ەڭبەك جولىن 1997–1998 جىلدارى ارالىعىندا «كازاحويل-كوممەرتسيا» جشس مۇناي جانە مۇناي ءوندىرىسى ساراپشىسى بولىپ باستاعان.  2021 جىلعى 1 ساۋىردەن باستاپ قازاقستان رەسپۋبليكاسى پرەمەر-ءمينيسترى كەڭسەسىنىڭ وڭىرلىك دامۋ ءبولىمىنىڭ مەڭگەرۋشىسى قىزمەتىن اتقارىپ كەلدى.

نۇرلان ۇرانحاەۆ اباي وبلىسىنىڭ اكىمى قىزمەتىندە قالدى.

ف

نۇرلان ۇرانحاەۆ 1965 جىلعى 4 مامىردا دۇنيەگە كەلگەن. ۆ. ي. لەنين اتىنداعى قازاق پوليتەحنيكالىق ينستيتۋتىندا «ينجەنەر-مەحانيك» ماماندىعىن، قازاق قارجى-ەكونوميكالىق ينستيتۋتىندا «ەكونوميست-مەنەدجەر» ماماندىعىن، شىعىس قازاقستان مەملەكەتتىك تەحنيكالىق ۋنيۆەرسيتەتىندە «ينجەنەر-قۇرىلىسشى» ماماندىعىن وقىعان. ەڭبەك جولىن 1987 جىلى سەمەي قالاسىنىڭ «كازپرومتەحمونتاج» ترەسىندە شەبەر، پروراب بولىپ باستاعان.  2022 جىلدىڭ ماۋسىمىنان اباي وبلىسىنىڭ اكىمى بولدى. ول وسى قىزمەتكە پرەزيدەنت جارلىعىمەن قايتا تاعايىندالدى.

ناريمان تورەعاليەۆ باتىس قازاقستان وبلىسىنىڭ اكىمى لاۋازىمىنا تاعايىندالدى.

ف

ناريمان تورەعاليەۆ 1964 جىلى 19 شىلدە كۇنى باتىس قازاقستان وبلىسىنىڭ اقجايىق اۋدانى ەسەنساي اۋىلىندا دۇنيەگە كەلگەن. جامبىل گيدرومەليوراتيۆتىك-قۇرىلىس ينستيتۋتىن (1990) ينجەنەر-ەكونوميست، كاسپي قوعامدىق ۋنيۆەرسيتەتىن (2004) زاڭگەر ماماندىقتارى بويىنشا بىتىرگەن. ەكونوميكا عىلىمدارىنىڭ ماگيسترى. ەڭبەك جولىن ء«حVىىى پارتسەزد» اتىنداعى اۋىلشارۋاشىلىعى بىرلەستىگىنىڭ ەكونوميستى، باس ەكونوميستى (1990-1995) بولىپ باستادى. بۇعان دەيىن پارلامەنت سەناتىنىڭ دەپۋتاتى بولدى.

بەرىك ابدىعالي ۇلى ۇلىتاۋ وبلىسىنىڭ اكىمى لاۋازىمىنا تاعايىندالدى.

ف

بەرىك ابدىعالي ۇلى 1971 جىلعى 18 قىركۇيەكتە قاراعاندى وبلىسى جەزقازعان كەنتىندە تۋعان. 1994 جىلى ءال-فارابي اتىنداعى قازاق ۇلتتىق ۋنيۆەرسيتەتىن «تاريح» ماماندىعى بويىنشا تامامداعان. ساياساتتانۋ عىلىمدارىنىڭ كانديداتى. 2017 جىلى «وڭىرلىك جانە مۋنيتسيپيالدىق مەنەدجمەنت» ماماندىعى بويىنشا MBA دارەجەسىن رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىندا (ماسكەۋ ق.) قورعاعان. 10 كىتاپتىڭ جانە قازاقستاندىق جانە شەتەلدىك عىلىمي باسىلىمدارداعى 100-دەن استام عىلىمي جاريالانىمداردىڭ اۆتورى.  2022 جىلدىڭ ماۋسىم ايىنان باستاپ ۇلىتاۋ وبلىسىنىڭ اكىمى.

نۇرجان مولديار ۇلى نۇرجىگىتوۆ جامبىل وبلىسىنىڭ اكىمى لاۋازىمىنا قايتا تاعايىندالدى.

ف

نۇرجان نۇرجىگىتوۆ 1967 جىلى دۇنيەگە كەلگەن، ءبىلىمى جوعارى. 1991 جىلى ەڭبەك قىزىل تۋ وردەندى لەنينگراد اۋىلشارۋاشىلىق ينستيتۋتىن «ينجەنەر-مەحانيك»، 2008 جىلى جامبىل گۋمانيتارلىق تەحنيكالىق ۋنيۆەرسيتەتىن «ەكونوميكا» ماماندىقتارى بويىنشا بىتىرگەن. تەحنيكا عىلىمدارىنىڭ كانديداتى، قازاق ۇلتتىق اگرارلىق ۋنيۆەرسيتەتىنىڭ قۇرمەتتى پروفەسسورى. ەڭبەك جولىن 1991 جىلى جۋالى اۋدانى ماكسيم گوركي اتىنداعى كولحوزىندا مەحانيك بولىپ باستاعان. 2021 جىلدىڭ ءساۋىر ايىندا جامبىل وبلىسى اكىمىنىڭ ورىنباسارى قىزمەتىنە تاعايىندالدى.

نۇرلان اسقار ۇلى نوعاەۆ ماڭعىستاۋ وبلىسىنىڭ اكىمى لاۋازىمىنا تاعايىندالدى.

ف

نۇرلان اسقار ۇلى نوعاەۆ 1967 جىلى تۋعان. ءبىلىمى جوعارى، ي.گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن، قازاق مەملەكەتتىك باسقارۋ اكادەمياسىن، رەسەي سىرتقى ىستەر مينيسترلىگى جانىنداعى «حالىقارالىق قاتىناستار ۋنيۆەرسيتەتى» ماسكەۋ مەملەكەتتىك ينستيتۋتىن تاۋ-كەن ينجەنەرى، ەكونوميست، حالىقارالىق قاتىناستار مامانى، اكىمشىلىك ىسكەرلىك جونىندەگى شەبەر ماماندىقتارى بويىنشا ءبىتىرىپ شىققان. ەڭبەك جولىن اقتوبە وبلىسى، قاندىاعاش ستانتسياسىندا ەلەكتر شەبەرى بولىپ باستاعان. 2021 جىلدىڭ قىركۇيەگىنەن بەرى ماڭعىستاۋ وبلىسىنىڭ اكىمى بولىپ ەڭبەك ەتكەن. ول وسى لاۋازىمعا قايتا تاعايىندالدى.

ەرمەك بورانباي ۇلى مارجىقپاەۆ اقمولا وبلىسىنىڭ اكىمى لاۋازىمىنا تاعايىندالدى.

ف

ەرمەك مارجىقپاەۆ 1969 جىلى 29 تامىزدا دۇنيەگە كەلگەن. 1994 ج. –  س. سەيفۋللين اتىنداعى تسەلينوگراد پەداگوگيكالىق ينستيتۋتىن بىتىرگەن. 2001 جىلى، 2009 جىلى كوكشەتاۋ ۋنيۆەرسيتەتىن تامامداعان. ەڭبەك جولىن ورتا مەكتەپتە ۇستازدىقتان باستاعان. 2019 جىلدىڭ 19 ناۋرىزىنان بەرى اقمولا وبلىسىنىڭ اكىمى قىزمەتىن اتقارىپ كەلەدى.

ەربولات دوساەۆ الماتى قالاسىنىڭ اكىمى قىزمەتىندە قالدى.

ف

ەربولات دوساەۆ 1970 جىلى 21 مامىردا الماتى قالاسىندا دۇنيەگە كەلگەن. 1987 جىلى – الماتى قالاسىنداعى و. جاۋتىكوۆ اتىنداعى رەسپۋبليكالىق فيزيكا-ماتەماتيكالىق مەكتەپ-ينتەرناتىن بىتىرگەن. الماتى ەنەرگەتيكالىق ينستيتۋتىن، باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن ءبىتىردى.  2019 جىلعى 25 اقپانىنان باستاپ 2022 جىلعى قاڭتار ارالىعىندا – قازاقستان رەسپۋبليكاسى ۇلتتىق بانكىنىڭ توراعاسى. 2022 جىلعى 31 قاڭتارىنان باستاپ الماتى قالاسىنىڭ اكىمى بولىپ قىزمەت ەتىپ كەلەدى.

بايحانوۆ اسايىن قۋاندىق ۇلى پاۆلودار وبلىسىنىڭ اكىمى لاۋازىمىنا تاعايىندالدى.

ف

بايحانوۆ اسايىن قۋاندىق ۇلى 1978 جىلى پاۆلودار وبلىسىنىڭ باياناۋىل اۋدانىندا دۇنيەگە كەلگەن. اسايىن بايحانوۆ ەڭبەك جولىن قازاقستانداعى ەۋروپالىق قايتا قۇرۋ جانە دامۋ بانكىنىڭ (ەقدب) باعدارلاماسى بويىنشا بانك سەكتورىندا جۇمىس ىستەي باستادى. الدىمەن ەكىباستۇزدا نەسيە ساراپشىسى بولدى، كەيىن الماتىدا ەقدب باعدارلاماسىنىڭ باس ءوفيسىنىڭ ءبولىم باستىعىنا دەيىن ءوستى. كەيىن بايحانوۆ Procredit Holding AG نەمىس حالىقارالىق بانك حولدينگىندە جۇمىس ىستەدى، سونىڭ ىشىندە ونىڭ ۋكراينالىق قارجى مەكەمەسىنىڭ (كيەۆ) اتقارۋشى ديرەكتورى بولدى. قازاقستانعا ورالعاننان كەيىن اسايىن بايحانوۆ «نۇربانك» باسقارما توراعاسىنىڭ ورىنباسارى لاۋازىمىنا تاعايىندالدى.

دانيال كەنجەتاي ۇلى احمەتوۆ شىعىس قازاقستان وبلىسىنىڭ اكىمى لاۋازىمىنا تاعايىندالدى.

ف

دانيال احمەتوۆ 1954 جىلى 15 ماۋسىمدا پاۆلودار قالاسىندا دۇنيەگە كەلگەن. 1976 جىلى پاۆلودار يندۋستريالدى ينستيتۋتىن بىتىرگەن. ماماندىعى بويىنشا ينجەنەر-قۇرىلىسشى. 2014 جىلعى 11 قاراشادا شىعىس قازاقستان وبلىسىنىڭ اكىمى بولىپ تاعايىندالدى.

ەرماعانبەت قابدۇل ۇلى بولەكپاەۆ قاراعاندى وبلىسىنىڭ اكىمى لاۋازىمىنا تاعايىندالدى.

پ

ەرماعانبەت بولەكپاەۆ 1975 جىلى 2 قىركۇيەكتە قاراعاندى وبلىسى شەت اۋدانى ۋسپەنكا اۋىلىندا دۇنيەگە كەلگەن. 1996 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ەكونوميكا فاكۋلتەتىن بىتىرگەن. ەڭبەك جولىن 1996 جىلى «كازكوممەرتسبانك» ااق تەمىرتاۋ فيليالىندا ەكونوميست قىزمەتىنەن باستاعان.  2018 جىلدان 2020 جىلعا دەيىن قاراعاندى وبلىسى اكىمىنىڭ ورىنباسارى قىزمەتىن اتقاردى. 2020 جىلدىڭ قىركۇيەگىنەن باستاپ قاراعاندى قالاسىنىڭ اكىمى بولىپ تاعايىندالدى.

جەڭىس ماحمۇد ۇلى قاسىمبەك استانا قالاسىنىڭ اكىمى لاۋازىمىنا تاعايىندالدى.

ف

جەڭىس ماحمۋد ۇلى قاسىمبەك 1975 جىلى جامبىل وبلىسىندا دۇنيەگە كەلگەن. قازاق مەملەكەتتىك ساۋلەت-قۇرىلىس اكادەمياسىن «ساۋلەتشى-ديزاينەر» ماماندىعى بويىنشا اياقتادى. 2001 جىلى ل. ن. گۋميليوۆ اتىنداعى ەۋرازيا مەملەكەتتىك ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا ءتامامدادى. ەڭبەك جولىن 1997 جىلى قازاق مەملەكەتتىك ساۋلەت-قۇرىلىس اكادەمياسىندا تاعىلىمگەر-زەرتتەۋشى بولىپ باستاعان.  2019 جىلعى 25 اقپاندا پرەمەر-ءمينيستردىڭ ورىنباسارى بولدى. 2019 جىلعى 19 قىركۇيەكتە قاراعاندى وبلىسىنىڭ اكىمى بولىپ تاعايىندالدى.

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار