قازاقستان • 07 جەلتوقسان، 2022

ەلىمىزدەگى 9 قالادا اتموسفەرالىق اۋانىڭ لاستانۋ دەڭگەيى جوعارى

68 رەت كورسەتىلدى

ەكولوگيالىق مونيتورينگ ناتيجەلەرى بويىنشا قازاقستانداعى 9 قالادا اتموسفەرالىق اۋانىڭ لاستانۋ دەڭگەيى جوعارى، دەپ حابارلايدى Egemen.kz.

بۇل استانا، الماتى، قاراعاندى، تەمىرتاۋ، اتىراۋ، اقتوبە، بالقاش، وسكەمەن جانە شىمكەنت قالالارى. وتكەن جىلى مۇنداي قالالاردىڭ سانى 10 بولعان. الايدا، وسى جىلدىڭ باسىندا جوعارى دەڭگەيدەن ورتا دەڭگەيگە وتكەن جەزقازعان قالاسى تىزىمنەن شىعارىلدى. بۇل تۋرالى ورتالىق كوممۋنيكاتسيالار قىزمەتى الاڭىندا قر ەگترم ەكولوگيالىق رەتتەۋ جانە باقىلاۋ كوميتەتىنىڭ توراعاسى زۇلفۇحار جولداسوۆ ايتىپ بەردى.

ونىڭ ايتۋىنشا، ەلىمىزدىڭ ەكولوگياسىنا ەڭ الدىمەن بيزنەس قاۋىمداستىق اسەر ەتەدى.

«سوندىقتان بۇگىندە بيزنەس وكىلدەرىنىڭ وزدەرى تابيعاتتىڭ يگىلىگى ءۇشىن ەكولوگتارمەن بىرىگىپ جۇمىس ىستەۋگە تىرىسادى. وتاندىق ءىرى بيزنەس وكىلدەرىنىڭ قاتارىنا نورت كاسپيان وپەرەيتينگ كومپاني ن.ۆ. (NCOC)، «اتىراۋ مۇناي وڭدەۋ زاۋىتى» جشس، «ارسەلورميتالل تەمىرتاۋ» اق، كازتسينك، اقتوبە مۇناي گاز سنپس، ERG كومپانيالار توبى سەكىلدى ونەركاسىپتەر كىرەدى. ولاردىڭ ارقايسىسى ەكولوگياعا جەكە اسەر ەتەتىنى بارىمىزگە بەلگىلى. بۇل كومپانيالار ورنالاسقان وڭىرلەردىڭ تۇرعىندارى كۇن سايىن ولاردىڭ اسەرى تۋرالى، سونىڭ سالدارىنان وبلىس ەكولوگياسىنىڭ ناشارلاۋى تۋرالى شاعىمدارىن ايتادى. الايدا ءبىزدىڭ تاراپتان ءتيىستى تۇردە شارالار قابىلدانىپ جاتىر»، دەدى سپيكەر.

سوڭعى جاڭالىقتار

ۇقساس جاڭالىقتار