اتالعان اكتىلەر قۇقىقتىق جاعدايلار جاساۋ ماقساتىندا ازىرلەنگەن ەدى.
«ازىرلەنگەن زاڭ جوباسى – بۇل بارلىق مۇددەلى تاراپتار, ونىڭ ىشىندە قۇرمەتتى ساراپشى, زاڭگەرلەر, قۇقىق قورعاۋشىلار, قوعام قايراتكەرلەرى كىرگەن جۇمىس توبىنىڭ بارلىق مۇشەلەرىنىڭ ۇجىمدىق ەڭبەگى. زاڭ جوبالارى ەلدە قوعامدىق باقىلاۋدى جۇزەگە اسىرۋدىڭ ءتيىمدى جۇيەسىن قۇرۋعا مۇمكىندىك بەرەدى», دەدى اقپارات جانە قوعامدىق دامۋ ءمينيسترى دارحان قىدىرالى.
ماسەلەن زاڭ جوباسىنا سايكەس قوعامدىق باقىلاۋدى جۇزەگە اسىراتىن ادامداردىڭ, ونىڭ ىشىندە قازاقستان رەسپۋبليكاسىنىڭ ازاماتتارى مەن كوممەرتسيالىق ەمەس ۇيىمداردىڭ قۇزىرەتى ەداۋىر كەڭەيتىلدى.
«قوعامدىق باقىلاۋ تۋرالى» زاڭ جوباسىندا العاش رەت قوعامدىق باقىلاۋدى جۇزەگە اسىرۋدىڭ زاڭدىلىعى, جاريالىلىعى, اشىقتىعى, ەرىكتىلىگى مەن تاۋەلسىزدىگى بەلگىلەندى.
سونىمەن بىرگە ماجىلىستە ونلاين پەتيتسيالار ينستيتۋتىن ەنگىزۋ ماسەلەلەرى بويىنشا تۇزەتۋلەر قارالدى. وندا ءاربىر قازاقستاندىق ارنايى پلاتفورما ارقىلى ونلاين پەتيتسيالار جاساۋ باستاماسىن كوتەرە الادى.
