ونەر • 07 جەلتوقسان، 2022

«ەۋرازيا» كينوفەستيۆالى الماتىعا قايتا ورالدى

108 رەت كورسەتىلدى

2022 جىلدىڭ 12-18 جەلتوقسانى ارالىعىندا الماتىدا XVI حالىقارالىق «ەۋرازيا» كينوفەستيۆالى وتەدى، دەپ حابارلايدى Egemen.kz.

بيىلعى جىلى ۇلتتىق كينونى قولداۋ مەملەكەتتىك ورتالىعى فەستيۆال سەرىكتەستەرىنىڭ ءبىرى. ۇكقمو-نىڭ كومەگىمەن تۇسىرىلگەن 11 فيلم «ەۋرازيا» جۇمىسىنا قاتىسادى.

كينوفەستيۆالدىڭ پرەزيدەنتى اتاقتى كينورەجيسسەر، قازاقستاننىڭ ەڭبەك سىڭىرگەن قايراتكەرى ارداق امىرقۇلوۆ بولماق.

- پاندەميا كەزەڭىندە كوپتەگەن مادەني شارالار توقتاتىلدى، فەستيۆالدەر، كونتسەرتتەر، كينوتەاترلار جابىلعانى بارشاعا ءمالىم. بۇگىندە جاعداي، ارينە، وزگەردى جانە ەكى جىلدىق ۇزىلىستەن كەيىن ءبىز «ەۋرازيا» كينوفەستيۆالىن قايتا جانداندىرامىز! فەستيۆال ءوزىنىڭ 1998 جىلى نەگىزى قالانىپ، الدىڭعى فەستيۆالدەردىڭ كوپشىلىگى وتكەن - الماتىعا قايتا ورالادى، - دەيدى ا. امىرقۇلوۆ.

فەستيۆال مادەنيەت جانە سپورت مينيسترلىگىنىڭ تاپسىرىسى بويىنشا ۇقكمو-نىڭ كومەگىمەن تۇسىرىلگەن ءسابيت قۇرمانبەكوۆتىڭ «بوران» ءفيلمىنىڭ الەمدىك پرەمەراسىمەن اشىلادى. كارتينا حالىقارالىق بايقاۋعا قاتىسادى، وندا ودان بولەك 14 فيلم باسەكەگە تۇسەدى. ولاردىڭ ىشىندە فرانتسيا، چەحيا، تۇركيا، ۋكراينا، گرۋزيا، رەسەي، يران، ازەربايجان، قىرعىزستان، وزبەكستان، قىتاي كارتينالارى جانە تاعى ءبىر كينوورتالىقتىڭ كومەگىمەن تۇسىرىلگەن وتاندىق تۋىندى – «اعايىندىلار» ءفيلمى بار. جاس رەجيسسەر دارحان تولەگەنوۆتىڭ ءفيلمى جاقىندا گەرمانياداعى Oldenburg International Film Festival بەدەلدى كينوفەستيۆالىندە قازىلار القاسىنىڭ ارنايى سىيلىعىن العان بولاتىن.

«ەۋرازيادا» حالىقارالىقتان بولەك تاعى ءبىر كونكۋرستىق باعدارلاما – ۇلتتىق بايقاۋ بولادى، وعان سوڭعى ەكى جىلدا تۇسىرىلگەن 15 ۇزدىك وتاندىق فيلمدەر ەندى.

ۇلتتىق بايقاۋدا توكيو كينوفەستيۆالىندە رەجيسسۋرا ءۇشىن سىيلىق العان دارەجان ومىرباەۆتىڭ «اقىن» كارتيناسى، بەرلينالە-2022 Generation سەكتسياسىندا باس جۋلدە جەڭگەن فارحات ءشارىپوۆتىڭ «سحەما» اتتى كينوسى جانە كوپتەگەن حالىقارالىق كينوفەستيۆالدەردە كوزگە تۇسكەن ايجان قاسىمبەكتىڭ «وت» ءفيلمى سەكىلدى فەستيۆالدىك حيتتەر ۇسىنىلعان. سونداي-اق مۇندا كينوورتالىقتىڭ ەڭ تابىستى تۋىندىسى ايدىن ساحاماننىڭ «دوس-مۇقاسان» ءفيلمى، بيىل قازاقستاننان «وسكار» سىيلىعىنا ۇسىنىلعان  ەمير بايعازيننىڭ ء«ومىر» ءفيلمى، الديار بايراقىموۆتىڭ «پاراليمپياداشىسى» جانە ازيز زايروۆتىڭ «ماما، مەن ءتىرىمىن» كارتينالارى كورسەتىلەدى. سونىمەن قاتار بۇل بايقاۋدا سەرىك اپرىموۆتىڭ «اۋىل» ءفيلمىنىڭ الەمدىك پرەمەراسى كۇتىلۋدە. 

كونكۋرستان تىس «ەرەكشە وقيعا» باعدارلاماسىنىڭ كورسەتىلىمدەرى بولادى. وندا ءارتۇرلى داۋىرلەر مەن جانرلارداعى الەمدىك كينو قايراتكەرلەرىنىڭ، سونىڭ ىشىندە مەرەيتويلىق فيلمدەردىڭ رەتروسپەكتيۆالارى ۇسىنىلادى. سونىمەن بىرگە قازىرگى زامانعى قازاقستاندىق قىسقامەتراجدى كينوعا ارنالعان «جاڭا ەسىمدەردى اشۋ» باعدارلاماسى بار. ول جەردە 2020-2022 جىلدارى تۇسىرىلگەن جاس رەجيسسەرلەردىڭ ۇزدىك 15 ءفيلمىنىڭ كورسەتىلىمدەرى وتكىزىلەدى. بۇل باعدارلامادا كينوورتالىقتىڭ تاعى ءبىر جۇمىسى كورسەتىلەدى – ول ارۋان انارتاەۆتىڭ «ىستىق كول» قىسقامەتراجدى كارتيناسى.

«فەستيۆال قۇرىلعان ساتتەن «ەۋرازيا» داستۇرىندە وسكەن قازاقستاندىق كينەماتوگرافيستەردىڭ تۇتاس بۋىنى قالىپتاستى. بۇگىندە قازاقستاندىق كينەماتوگرافيا جوعارعى دەڭگەيگە جەتتى، سول ءۇشىن دە وعان جەكە ۇلتتىق بايقاۋ ءبولىنىپ وتىر. وندا حالىقارالىق كينوفەستيۆالدەرگە قاتىسىپ، جەڭىسكە جەتكەن فيلمدەر جانە دە كەڭ اۋديتوريا اراسىندا تابىسقا كەنەلگەن كارتينالار دا جارىساتىن بولادى»، دەپ اتاپ ءوتتى فەستيۆالدىڭ باعدارلامالىق ديرەكتورى، قازاقستان كينوسىنشىلار قاۋىمداستىعىنىڭ پرەزيدەنتى گۇلنارا ابىكەەۆا.

فەستيۆالدىڭ باسقا ءىس-شارالارىنان ءوندىرىس ساتىسىندا تۇرعان وتاندىق تۋىندىلاردى ۇسىناتىن Work-In-Progress باعدارلاماسىن ءبولىپ كورسەتۋگە بولادى. بۇل اسىرەسە پروديۋسەرلەر مەن كينوفەستيۆال تاڭداۋشىلارى ءۇشىن قىزىقتى بولادى. سونىمەن بىرگە كينويندۋستريا شەبەرلەرىمەن شەبەرلىك سىنىپتارى مەن ترەنينگتەر وتەدى. ارينە، قازىلار القاسىنىڭ مۇشەلەرىمەن، فەستيۆالدىڭ شەتەلدىك جانە قازاقستاندىق قاتىسۋشىلارىمەن «دوڭگەلەك ۇستەلدەر»  مەن ءباسپاسوز كونفەرەنتسيالارىن دا وتكىزۋ جوسپارلانعان.

فەستيۆالدە ءۇش قازىلار القاسى جۇمىس ىستەيدى. بەلگىلى وزبەك رەجيسسەرى جانە ستسەناريستى ءالي حامراەۆ حالىقارالىق بايقاۋدىڭ قازىلار القاسىنا توراعالىق ەتەدى. ونىڭ قۇرامىنا قازاقستاندىق-رەسەيلىك رەجيسسەر سەرگەي دۆورتسەۆوي، قىرعىز رەجيسسەرى، ستسەناريست جانە پروديۋسەر ەرنەست ءابدىجاپاروۆ، گرۋزيندىك رەجيسسەر رۋسۋدان گلۋردجيدزە جانە قازاقستاندىق رەجيسسەر تالعات تەمەنوۆ كىرەدى.

ۇلتتىق بايقاۋدىڭ قازىلار القاسىن لاتۆيادان كەلگەن كينورەجيسسەر جانە ستسەناريست لايلا پاكالنينيا باسقارادى. ونىمەن بىرگە يراندىق رەجيسسەر جانە ستسەناريست حانا ماحمالباف، جاپوندىق پروديۋسەر، رەجيسسەر جانە ستسەناريست سانو سيندزيۋ، بولگار رەجيسسەرى، ستسەناريست، پروديۋسەر ميلكو لازاروۆ جانە قازاقستاندىق كينوتانۋشى، قازاقستاننىڭ كينوسىنشىلار قاۋىمداستىعىنىڭ مۇشەسى ولەگ بورەتسكي جۇمىس ىستەيتىن بولادى.

سونداي-اق فەستيۆالدە ازيا كينوسىن ىلگەرىلەتۋ جونىندەگى حالىقارالىق جەلىنىڭ (NETPAC) قازىلار القاسى بولادى. ونىڭ قۇرامىنا فرانتسيادان قازىلار القاسىنىڭ توراعاسى رەتىندە نادا ازحاري-گيون جانە تاجىكستاننان شاروفات ارابوۆا مەن قىرعىزستاننان سۇلتان ۋسۋۆاليەۆ كىردى.

فەستيۆالدىڭ رەسمي اشىلۋ مەن جابىلۋ سالتاناتى اباي اتىنداعى قازاق ۇلتتىق وپەرا جانە بالەت تەاترىندا وتەدى. كينو كورسەتىلىمدەرىن Kinopark 16 كينوتەاترىنان (Forum ساۋدا-ويىن-ساۋىق ورتالىعى) كورۋگە بولادى. كىرۋ تەگىن.

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار