ءبىلىم • 07 جەلتوقسان، 2022

وقۋ-اعارتۋ مينيسترلىگى Microsoft-پەن بىرنەشە كەلىسىمگە قول قويدى

59 رەت كورسەتىلدى

وقۋ-اعارتۋ ءمينيسترى اسحات ايماعامبەتوۆ Microsoft كومپانياسىمەن ىنتىماقتاستىق تۋرالى مەموراندۋمعا قول قويىلعانىن مالىمدەدى، دەپ حابارلايدى Egemen.kz.

وقۋ-اعارتۋ ءمينيسترى اسحات ايماعامبەتوۆ Microsoft كومپانياسىنىڭ وكىلدەرىمەن كەزدەستى. تاراپتار ءبىلىم بەرۋدى تسيفرلاندىرۋ سالاسىنداعى ىنتىماقتاستىق تۋرالى مەموراندۋمعا قول قويدى. 

«بۇعان دەيىن پرەزيدەنت قاسىم-جومارت توقاەۆ اقش-قا جاساعان ساپارىندا Microsoft كورپوراتسياسىنىڭ ورتالىق ازيا جانە شىعىس ەۋروپا بويىنشا باس مەنەدجەرى ميشەل سيممونسپەن كەزدەسكەن. سول كەزدە تاراپتار كومپانيانىڭ قازاقستانداعى قاتىسۋىن كەڭەيتۋ پەرسپەكتيۆالارىن تالقىلادى. ال بۇگىن وسى باعىتتاعى جۇمىستاردىڭ جالعاسى رەتىندە كومپانيا وكىلدەرىمەن بىردەن بىرنەشە كەلىسىمگە كەلىستىك. ينكليۋزيۆتى ءبىلىم بەرۋ باعىتىنداعى بىرلەسكەن جۇمىستى نىعايتامىز»، دەدى اسحات ايماعامبەتوۆ.

سونداي-اق Microsoft-پەن قازاقستاندىق مەكتەپتەردىڭ «Office 365 Education» تسيفرلى پلاتفورماسىن پايدالانۋى تۋرالى كەلىسىم جاسالدى. Microsoft سونىمەن قاتار مەكتەپ مۇعالىمدەرىنە STEM-ءدى ساباقتا قولدانۋ بويىنشا شەبەرلىك ساباقتارىن وتكىزىپ، مەكتەپتىڭ ينفورماتيكا باعدارلامالارىن جاڭارتۋ بويىنشا ۇسىنىستار جاسايدى.

قول جەتكەن كەلىسىمدەردىڭ ناتيجەسىندە Microsoft «Microsoft Education Transformation Framework» ءادىسناماسى نەگىزىندە ءبىلىم بەرۋدى ترانسفورماتسيالاۋ بويىنشا ەڭ ۇزدىك تاجىريبەلەردى ۇسىنادى. پەداگوگتەر «Leaders in Digital Transformation» جاھاندىق باعدارلاماسىنا قاتىسۋعا مۇمكىندىك الادى. سونىمەن بىرگە Microsoft «Microsoft Digital Literacy» وقۋ جوسپارى جانە «Microsoft Educator» («مايكروسوفت پەداگوگ») حالىقارالىق باعدارلاماسى ارقىلى پەداگوگتەر مەن وقۋشىلاردىڭ تسيفرلى ساۋاتتىلىعىن ارتتىرۋعا قولداۋ كورسەتەدى.

ا. ايماعامبەتوۆ مينيسترلىك مەموراندۋمعا قول قويماس بۇرىن دا پەداگوگتەردىڭ بىلىكتىلىگىن ارتتىرۋ جانە سەرتيفيكاتتاۋ بويىنشا Microsoft كورپوراتسياسىمەن بىرلەسىپ جۇمىس ىستەگەنىن اتاپ ءوتتى. مىسالى، «مايكروسوفت پەداگوگ»، «مايكروسوفت پەداگوگ-ساراپشى» باعدارلاماسى بويىنشا قازاقستاندىق مۇعالىمدەر ۆەنگريادا، كانادادا، سينگاپۋردا، اقش-تا جانە باسقا ەلدەردە وتكەن مۇعالىمدەرگە ارنالعان «Educator Exchange» حالىقارالىق فورۋمىنا قاتىستى.

مينيستر مەكتەپتەرىمىز دە «Microsoft Imagine Cup Junior» باعدارلاماسىنا قاتىسىپ جاتقانىن اتاپ ءوتتى. 13-18 جاس ارالىعىنداعى وقۋشىلار جاڭا تەحنولوگيالارمەن تانىسىپ، ولاردى تاجىريبەدە قالاي قولدانۋ كەرەگىن ۇيرەنەدى جانە جاھاندىق ستۋدەنتتىك حاكاتونعا قاتىسادى. 2022 جىلى قازاقستاندىق Unicode كومانداسىنىڭ جاساندى ينتەللەكت ارقىلى جولبارىس پوپۋلياتسياسىن قۇتقارۋ جوباسى ەكىنشى ورىندى يەلەندى. ول Microsoft-پەن ىنتىماقتاستىق پاندەميا كەزىندە دە جۇزەگە اسىرىلعانىن ايتتى. كەزدەسۋ سوڭىندا تاراپتار ودان ءارى ءتيىمدى ىنتىماقتاستىق جالعاساتىنىن اتاپ ءوتتى.

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار