ايماقتار • 07 جەلتوقسان، 2022

كەزەكتە – جەر ۇيلەر

40 رەت كورسەتىلدى

ەكىباستۇزدا اپات سالدارىنان ءالى دە بولسىن جىلۋعا قوسىلماعان كوپقاباتتى 4 تۇرعىن ءۇي قالدى. كەشە تاڭەرتەڭگىلىك №6 شاعىن اۋداندا ورامىشىلىك تاعى ءبىر قۇبىر جارىلىپ، زاقىمدانۋ كوپ ۇزاماي قالپىنا كەلتىرىلدى.

اپاتتى جويۋ جونىندەگى شتاب باسشىسى – پرەمەر-ءمينيستردىڭ ءبىرىنشى ورىنباسارى رومان سكلياردىڭ حابارلاۋىنشا، 6 جەلتوقسان كۇنى ساعات 08.00-دەگى جاعداي بويىنشا پاتەرلەردى جىلۋعا قوسۋ جۇمىستارى 4 ۇيدە جۇرگىزىلىپ جاتىر. بۇل جۇمىستاردى كەشە كەشكە دەيىن اياقتاۋ جوسپارلانعان. سونداي-اق كەشە تاڭعى ساعات بەستەر شاماسىندا №6 شاعىن اۋدانداعى ورامىشىلىك جىلۋ جەلىسىندە قۇبىر جارىلىپ، باۋىرجان مومىش ۇلى جانە ءماشھۇر ءجۇسىپ كوشەلەرىندەگى 15 تۇرعىن ۇيدە ىستىق سۋ جوعالىپ كەتتى. جوندەۋشىلەر بۇل اپاتتى كوپ ۇزاتپاي رەتكە كەلتىردى.

بۇگىنگە دەيىن زارداپ شەككەن پاتەرلەرگە 2 مىڭنان استام جىلۋ باتارەيالارى ورناتىلدى. بريگادالاردا قوسىمشا 4 مىڭ باتارەيا بار.

– نەگىزگى پروبلەما تۋىنداپ تۇرعان ۇيلەر – ساتباەۆ كوشەسى، №8 ۇيدەگى 3، 4، 5، 6-شى كورپۋستار، ءماشھۇر ءجۇسىپ كوشەسى، 52-ۇيدەگى 3، 4، 5، 6-شى كورپۋستار، ءماشھۇر ءجۇسىپ كوشەسىندەگى، 55، 46، 46ا، باۋىرجان مومىش ۇلى كوشەسى، №68 ۇيلەر. قۇبىرلار مەن رەگيستەرلەردى اۋىستىرۋ جۇمىستارى تاۋلىك بويى جۇرۋدە، – دەدى جەدەل شتاب وتكىزگەن بريفينگتە پاۆلودار وبلىسى اكىمىنىڭ مىندەتىن اتقارۋشى ولەگ كرۋك.

قالا باسشىسى ايان بەيسەكين اۋىزسۋ جۇيەلەرى قاتىپ قالعان 28 ۇيدە قۇبىرلاردى ءجىبىتۋ جۇرگىزىلىپ جاتقانىن اتاپ ءوتتى. مۇنداي ۇيلەر سانى – 46.

– جىلۋ جەلىلەرىندە وتە ۇلكەن تەڭگەرىمسىزدىك بايقالادى. كەيبىر پاتەر يەلەرى ۇيلەرىنىڭ اسا ىستىق ەكەنىن، ايازدا تەرەزە اشىپ وتىرعاندارىن ايتادى. ال وزگە اۋماقتاردا جىلۋ پارامەترلەرى دۇرىس كوتەرىلمەي تۇر. ەندى ءبىر پيك-تەر قالادا اپات ورىن العان كۇنى وزدەرىنە قاراستى ۇيلەردىڭ جىلۋ جەلىسىندەگى سۋدى اعىزىپ جىبەرگەن. سەبەبى ونداعى قىسىم مەن جىلۋ كورسەتكىشتەرى وتە تومەن بولعان دەيدى. شاھاردا 420 شاقىرىم جىلۋ جەلىسى بار. بۇل توراپتاردىڭ بارلىعىن رەتتەۋ، تەڭگەرىمگە كەلتىرۋ ءالى دە بولسىن ءبىراز ۋاقىتتى قاجەت ەتەدى، – دەپ اتاپ ءوتتى ول.

جىلۋدان اجىراپ تۇرعان جەر ۇيلەرگە دە جوندەۋ بريگادالارى جىبەرىلۋدە. الايدا بۇل جەرلەردەگى قالپىنا كەلتىرۋ جۇمىستارىندا سۋ كوپ ىسىراپ بولۋىنا بايلانىستى بارلىق ءۇيدى ءبىر مەزگىلدە قوسۋ مۇمكىن ەمەس.

كەشەدەن باستاپ وڭىردە اياز تاعى قىسا تۇسۋىنە بايلانىستى تۇرعىندار توزىپ تۇرعان جۇيەگە الاڭداۋشىلىق تانىتۋدا.

 

پاۆلودار وبلىسى،

ەكىباستۇز قالاسى

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار