اسحات ايماعامبەتوۆ باتىس قازاقستان, قوستاناي, اقمولا وبلىستارىندا ءالى دە بىرقاتار مەكتەپ, كوللەدج بەن بالالار ءۇيىنىڭ عيماراتتارىندا جىلۋ جۇيەسى ورناتىلعانىن ايتتى.
«بۇل بالالارعا ۇلكەن قاۋىپ توندىرەدى. جاقىندا اقمولا وبلىسىندا ورىن العان جاعدايدى بىلەسىزدەر - ول جەردە تەك قازاندىق مەكتەپ عيماراتىنىڭ سىرتىندا بولعاندىقتان, مەكتەپ وقۋشىلارى زارداپ شەككەن جوق. ال ەگەر قازاندىق مەكتەپتىڭ ىشىندە بولسا, ءبىز زارداپ شەگۋشىلەردەن اۋلاق بولا الماس ەدىك. مۇنى ءتۇسىنۋ كەرەك. سوندىقتان ءبىلىم بەرۋ نىساندارىنداعى جىلۋ جۇيەلەرىن بولەك بولمەلەرگە جەتكىزۋ تۋرالى تالاپتارىمىز وتە ورىندى», دەدى اسحات ايماعامبەتوۆ.
ونىڭ ايتۋىنشا, جىلۋ جۇيەسى بويىنشا 263 مەكتەپتىڭ 200-دەن استامىندا بۇل ماسەلەلەر شەشىمىن تاپقان.
«كوپ جۇمىس اتقارىلدى. مۇنى مويىنداۋ كەرەك. بىراق كۇنى بۇگىنگە دەيىن 57 مەكتەپتە بۇل ماسەلە تولىق شەشىلگەن جوق. بۇل جۇمىستارعا اكىمدىكتەر تاراپىنان قارجى ءبولىنۋى قاجەت», دەدى مينيسترلىك باسشىسى.
ايتا كەتەيىك 18 قازاندا اقمولا وبلىسىندا مەكتەپ قازاندىعى جارىلدى.
