ايماقتار • 06 جەلتوقسان، 2022

بقو-دا مەتانول وندىرەتىن گاز-حيميا كەشەنى سالىنادى

58 رەت كورسەتىلدى

يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ CITIC Construction Co Ltd. جانە China Huanqiu Contracting & Engineering (Shanghai) Co.، Ltd. كومپانيالارىنىڭ وكىلدەرىمەن كەزدەستى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

كەزدەسۋ بارىسىندا Zhaik Petroleum LTD قازاقستاندىق كومپانياسى مەن قىتايلىق كومپانيا اراسىندا EPC-كەلىسىمشارتقا (بۇل جوبالاۋ، ساتىپ الۋ جانە قۇرىلىستى قامتيتىن كەلىسىمشارت) قول قويىلدى. وسى كەلىسىمشارت ارقىلى باتىس قازاقستان وبلىسىندا ونىمدىلىگى 130 مىڭ توننا مەتانول وندىرۋگە قاۋقارلى گاز-حيميا كەشەنىن سالۋ كوزدەلىپ وتىر.

«ەلىمىزدىڭ تاراپى بۇل جوبانى تابىستى ىسكە اسىرۋ ماقساتىندا قاجەتتى قولداۋدى كورسەتۋگە دايىن. قازىر «بايتەرەك» ۇلتتىق باسقارۋشى حولدينگى» اق-نىڭ دامۋ ينستيتۋتتارىمەن بىرلەسىپ، وسى جوبانى قارجىلاندىرۋ بويىنشا ءتيىستى جۇمىستار باستالدى. ءوز تاراپىمىزدان جوبالاۋ مەن قۇرىلىستى جۇزەگە اسىرۋ، سونداي-اق جوبانى ءساتتى ىسكە اسىرۋ ءۇشىن قاجەتتى جابدىقتاردى جەتكىزۋ جونىندەگى جوسپارلارىڭىزدى قۇپتايتىنىمىزدى ايتقىمىز كەلەدى»، دەدى قايىربەك وسكەنباەۆ.

وسى رەتتە قۇرىلىس-مونتاج جۇمىستارى كەزەڭىندە 500-گە جۋىق جۇمىس ورنى، سونداي-اق كەشەن ىسكە قوسىلعاننان كەيىن 220 تۇراقتى جۇمىس ورنى اشىلادى دەپ جوسپارلانىپ وتىر. جوبانىڭ جالپى قۇنى – 140 ملن دوللار.

اتالعان گاز-حيميا كەشەنى 2024 جىلدىڭ اياعىنا قاراي ىسكە قوسىلماق. بۇدان كەيىن قۇنى 200 ملن دوللارعا اممياك پەن كارباميدتى شىعارۋعا بايلانىستى جوبانىڭ ەكىنشى كەزەڭى ىسكە اسىرىلادى دەپ قاراستىرىلعان.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

ۇقساس جاڭالىقتار