ماسەلەن, بالىق ەكسپورتى 13%-كە ۇلعايدى, ونىڭ ىشىندە ەۋروپا ەلدەرى دە بار. جالپى, قولدان وسىرىلگەن جانە اۋلانعان بالىق ءوندىرىسى بيىلعى جىلدىڭ 10 ايىندا شامامەن 57 مىڭ توننا بولدى, بۇل وتكەن جىلعى كورسەتكىشتەن 12%-كە جوعارى.
«دەگەنمەن ءبىز ءالى كۇنگە دەيىن ءوز نارىعىمىزدى وتاندىق بالىقپەن تولىق قامتاماسىز ەتە الماي كەلەمىز. يمپورتتىڭ ۇلەسى ءالى دە جوعارى. كەيبىر وڭىرلەر باعدارلاماداعى جوسپارلى كورسەتكىشتەردى قامتاماسىز ەتە الماي وتىر. بالىق ءوسىرۋ كورسەتكىشى ەڭ تومەن ءوڭىردىڭ ىشىندە اتىراۋ وبلىسى دا بار. سونىمەن قاتار قاراعاندى, الماتى جانە پاۆلودار وبلىستارىندا دا بالىق ءوندىرىسى تومەن. اتالعان ءوڭىر اكىمدىكتەرى جوسپارلانعان كورسەتكىشتەرگە قول جەتكىزۋ بويىنشا جۇمىستى كۇشەيتىپ, بيزنەستىڭ باستامالارىنا قولداۋ كورسەتۋى قاجەت. سونداي-اق كاسىپكەرلەردى بالىق ونىمدەرىن تەرەڭ وڭدەۋگە ىنتالاندىرۋ كەرەك. ءتيىستى مەملەكەتتىك قولداۋ شارالارى اكۆاوسىرۋ جونىندەگى زاڭ جوباسى شەڭبەرىندە ەسكەرىلۋى ءتيىس. تابيعي سۋ قويمالارىنداعى بالىق قورىنىڭ كوبەيۋىنە دە نازار اۋدارۋ كەرەك», دەدى ءاليحان سمايىلوۆ.
