جەلتوقساننىڭ 2-ءسى كۇنى ايىرتاۋ اۋداندىق پوليتسيا بولىمىنە ءالجان اۋىلىندا 50 باس جىلقى جەتىسپەيتىنى تۋرالى حابارلاما كەلىپ تۇسكەن. جىلقىلار اۋىل تۇرعىندارىنا تيەسىلى ەكەنى انىقتالدى. جانۋارلار 27 قاراشادا ەركىن جايىلىمنان جوعالىپ كەتكەن.
ىزدەستىرۋ شارالارى بارىسىندا بارشى كولىنەن جوعالعان جىلقىلاردىڭ قاتىپ قالعان ولەكسەلەرى تابىلعان.
ارتىنشا, مالشى بولماعان كەزدە جىلقىلار كولدىڭ مۇز ۇستىمەن قوزعالىپ, كەيىن سۋعا ءتۇسىپ قىرىلعانى انىقتالدى.
قازىرگى ۋاقىتتا پوليتسەيلەر وقيعانىڭ بارلىق ءمان-جايىن تەكسەرىپ جاتىر, ولگەن جانۋارلاردىڭ ناقتى سانى انىقتالۋدا.
