«بۇرىن بريفينگتەردە حابارلانعانداي, ۋكراين تاراپى جاڭا ەلشىنى ۇسىندى. قازىر بۇل كانديداتۋرانى قاراستىرىپ جاتىرمىز. ءبىزدىڭ كەلىسىمىمىزسىز ولار ەلشى تاعايىنداي المايدى. بۇيرىق وسىنداي», دەدى باق وكىلدەرىنە ارنالعان بريفينگتە قر ءسىم رەسمي وكىلى ايبەك سمادياروۆ.
بۇعان دەيىن ۋكراينا پرەزيدەنتى ۆلاديمير زەلەنسكي ۋكراينانىڭ قازاقستانداعى ەلشىسى پەتر ۆرۋبلەۆسكيدى قىزمەتىنەن بوساتۋ تۋرالى جارلىققا قول قويعانى حابارلانعان بولاتىن. قازاقستان رەسپۋبليكاسىنىڭ سىرتقى ىستەر مينيسترلىگى ۋكراينا ەلشىسىنىڭ ارانداتۋشىلىق مالىمدەمەسى ءۇشىن وعان نارازىلىق ءبىلدىردى.
